Ixxerja

Il-Ministru Byron Camilleri ħabbar li persuna li kienet tkeċċiet minn Malta wara li nstabet ħatja ta’ vjolenza domestika riċentament ippruvat terġa’ tidħol fil-pajjiż, iżda ġiet arrestata mill-Pulizija mal-wasla tagħha.

F’messaġġ maqsum fuq il-midja soċjali, Camilleri sostna li l-awtoritajiet se jibqgħu jieħdu pożizzjoni soda kontra dawk li ma jirrispettawx il-liġijiet u s-soċjetà Maltija. “Il-messaġġ tagħna ċar – min ma jirrispettax is-soċjetà Maltija nkunu iebsin miegħu, filwaqt li ngħinu lil min hu veru fil-bżonn,” kiteb il-Ministru.

Huwa tenna li l-Gvern se jkompli jaħdem biex isaħħaħ is-sigurtà u l-infurzar tal-liġi, partikolarment f’każijiet relatati ma’ reati serji bħall-vjolenza domestika.

Il-każ wassal ukoll għal diversi reazzjonijiet fuq il-midja soċjali, b’ħafna jappoġġjaw il-pożizzjoni iebsa kontra persuni li jkunu nstabu ħatja ta’ reati serji u li jippruvaw jerġgħu jidħlu fil-pajjiż.

Ixxerja

Miktub Minn

Emil Calleja Bayliss

Iħobb il-lingwa Maltija u jsegwi b’mod attiv ix-xena mużikali lokali. Id-dinja tal-ispettaklu taffaxxinah u l-għaxqa tiegħu jara xows differenti. Biex jirrilassa Emil jieħu gost imur ħdejn il-baħar u fil-kampanja, hemm isib ftit kwiet ’il bogħod mill-ġenn.

Issa

Kate  Taqsam Mument Ieħor Fil-Vjaġġ Ta’ Rkupru Tagħha Wara Operazzjoni Li Kienet Għamlet F’Saqajha

Eileen Cumbo Salerno Illum

Tliet snin ilu, Kate għaddiet minn operazzjoni importanti f’saqajha taħt il-kura tat-tabib Matthew Dobbs. Illum, hi qed tħares lura lejn dak il-mument b’emozzjoni kbira hekk kif qasmet aġġornament pożittiv dwar il-progress tagħha. Fuq il-midja soċjali, Kate spjegat kif wara ħafna taħriġ intensiv, terapija u anke operazzjonijiet oħra, issa qed jirnexxielha tagħmel “xi passi żgħar”  u dan […]