Ixxerja

Illum, il-kantanta lokali, Christabelle Camilleri ferħet flimkien ma' żewġha, Jordan Camilleri wara li kellhom it-tieni wild.

It-tarbija twieldet illum filgħodu, proprju fit-08:59, u ngħatat l-isem ta' Federica. Din l-aħbar li qasam żewġha, bla dubju ġabet magħha ferħ, emozzjoni u mħabba bla qies. Jordan ħabbar ukoll, li kemm l-omm kif ukoll iċ-ċkejkna Fede jinsabu mistrieħa u tajbin, u għalhekk il-familja għandha aktar minn raġuni waħda għalfejn tiċċelebra.

F’dan il-messaġġ speċjali, ma naqasx ukoll milli rringrazzja lil Carmen Wareing u lit-tim mediku tad-Delivery Suite u tal-Obstetrics Ward 3 fl-Isptar Mater Dei għall-kura, l-għajnuna u s-sapport li tawhom f’dan il-mument tant importanti.

Minn qalbna, nawguraw lil Christabelle, Jordan u ċ-ċkejken Vale, flimkien mal-familja kollha, l-isbaħ xewqat. Jalla Federica tikber f’saħħitha, imdawra b’kull imħabba u ferħ li jistħoqqilha!

Ixxerja

Miktub Minn

Matthea Grech

Għandi passjoni kbira għal-lingwa Maltija. Jien studenta u interessata ferm f'dak kollu li qed jiġri madwarna, speċjalment fid-dinja tal-ispettaklu. Nikkunsidrani bħala persuna pożittiva, kunfidenti u lesta biex ngħin lil ħaddieħor. Dejjem bi tbissima fuq fommi u ċajta ma nafx neħodha! Fil-ħin liberu tiegħi inħobb ninżel ħdejn il-baħar għax hemm insib is-serħan tal-moħħ u l-ispirazzjoni biex nikteb il-poeżiji. Apparti minn hekk, inħobb naqra rumanzi romantiċi bil-Malti u jaffaxinawni ħafna l-lingwi fosthom l-Ispanjol u t-Tork.

Gossip

“Irrispettaw Naqra Lill-Komunità Beltija” – Is-Sindku Olaf McKay B’Messaġġ Ċar Lin-Nies

Matthea Grech Illum

Is-Sindku tal-Belt Valletta, Olaf McKay, ma żammx lura milli jesprimi d-diżappunt tiegħu dwar l-istat li qed titħalla fih Triq it-Teatru l-Antik wara l-attività kummerċjali ta’ kuljum.F’messaġġ dirett, is-Sindku qal li hemm min iħobb jilmenta dwar il-ħmieġ li jħallu warajhom oħrajn, iżda mbagħad jispiċċa jagħmel l-istess ħaġa. Huwa saħaq, li min jagħmel il-flus mill-Belt għandu wkoll […]