Ixxerja

Il-kantanta lokali Ira Losco qasmet messaġġ emozzjonali fuq il-midja soċjali wara l-parteċipazzjoni tagħha f’Rockestra, fejn kantat flimkien mal-ħabiba tagħha Gloriana Arpa Belli.

Ira qalet li kienet “ferħana immens” li kantat ma’ Gloriana u ddeskriviet l-esperjenza kollha ta’ Rockestra bħala waħda mill-isbaħ. Hija enfasizzat kemm apprezzat l-opportunità li taqsam il-palk u terġa’ tiltaqa’ ma’ ħafna mill-ħbieb tagħha.

"Ngħożż il-ħbiberiji kollha tiegħi; uħud ilhom saħansitra 27 sena, oħrajn aktar reċenti," tikteb Ira. Esprimiet ukoll gratitudni lejn in-nies ta’ madwarha li magħhom taqsam l-istess passjoni u mħabba għall-mużika.

Fl-aħħar tal-messaġġ, Losco qalet li kienet ukoll kburija li libset ilbies ta’ AZZOPARDI, u faħħret it-talent tiegħu.

Ixxerja

Miktub Minn

Kyle Zarb

Interessat ħafna f'dak kollu li hu relatat mal-midja u x-xandir. Nistgħu ngħidu li hu ffissat fid-dinja tal-ispettaklu; kemm dik lokali kif ukoll internazzjonali. Isegwi d-drama Maltija ta' kull ġeneru u tassew japprezza t-talent Malti. Għandu esperjenza fejn jidħol kant, kif ukoll animazzjoni għat-tfal. Hu jħoss sodisfazzjon kbir meta jferraħ lil ħaddieħor u tkun xi tkun iċ-ċirkostanza jipprova dejjem iżomm tbissima fuq fommu.

Issa

“Bla Kliem! Bobs Ġie Lura Waħdu” – L-Attivista Lokali Christa Cilia B’Aħbar Pożittiva

Kyle Zarb Illum

Dan l-aħħar l-attivista Christa Cilia kienet għaddejja bi tfittxija għal Bobs, li kien jinsab nieqes. Jidher li dan il-ġmiel ta’ kelb irnexxielu jmur lura għandha waħdu!“Bla kliem! Bobs ġie lura waħdu waqt li qed nagħmlu l-posters tiegħu biex inwaħħluhom ! Grazzi lil kulħadd tal-għajnuna tagħkom.” Qasmet anke żewġ ritratti meħudin mal-wasla ta’ Bobs.Jidher ukoll biċ-ċar […]