Ixxerja

Shaian, waħda mill-Adria Twins, qasmet messaġġ emozzjonanti fuq il-midja soċjali hekk kif illum qed tfakkar żewġ persuni għeżież ħafna għaliha – missierha u n-nanna tagħha. Ilbieraħ kien jaħbat erba’ snin u seba’ xhur minn meta Shaian tilfet lil missierha, filwaqt li fl-istess jum il-familja kienet tiċċelebra għeluq snin in-nanna tagħha.

“Illum 4 snin u 7 xhur mingħajrek, pa. U fl-istess jum niċċelebraw għeluq snin in-Nanna,” kitbet Shaian, filwaqt li ddeskriviet din il-ġurnata bħala waħda mimlija emozzjonijiet. Fil-messaġġ tagħha, Shaian esprimiet ukoll ix-xewqa li ż-żewġ persuni għeżież għaliha jinsabu flimkien u għadhom iħarsu lill-familja tagħhom.

“Nispera li minn hemm fuq qegħdin ħdejn xulxin, tarawna u tħarsuna,” kompliet tikteb. Shaian temmet il-messaġġ tagħha bi kliem li juri kemm il-memorja tagħhom għadha ħajja fi ħdan il-familja: “Inħossu n-nuqqas tagħkom kuljum. Għal dejjem f’qalbna. Inħobbkom.”

Messaġġ mill-qalb li jfakkar kif, minkejja li jgħaddi ż-żmien, in-nuqqas tal-persuni li nkunu ħabbejna jibqa’ jinħass, filwaqt li l-memorji tagħhom jibqgħu magħna.

Ixxerja

Miktub Minn

Emil Calleja Bayliss

Iħobb il-lingwa Maltija u jsegwi b’mod attiv ix-xena mużikali lokali. Id-dinja tal-ispettaklu taffaxxinah u l-għaxqa tiegħu jara xows differenti. Biex jirrilassa Emil jieħu gost imur ħdejn il-baħar u fil-kampanja, hemm isib ftit kwiet ’il bogħod mill-ġenn.

Issa

Tranżizzjoni Ta’ Sentejn Fis-Sussidju Tal-Kera Għal Dawk Bi Dħul Li Jaqbeż Il-Limitu Ta’ Eliġibbiltà

Gwida.mt Illum

Il-benefiċċjarji li d-dħul tagħhom jaqbeż il-limitu ta’ eliġibbiltà, iżda jibqgħu jgħixu bħala kerrejja fis-settur privat, mhux se jitilfu l-għajnuna f’daqqa, iżda se jibbenefikaw minn perjodu ta’ tranżizzjoni ta’ sentejn.Il-Ministru Owen Bonnici qal illi din il-bidla fil-Housing Benefit Scheme (HBS), magħruf ukoll bħala l-iskema ta’ sussidju tal-kera, tirrifletti l-impenn tal-Gvern li jagħmel l-għajnuna aktar ġusta, immirata […]