Mro Dominic Galea ħa mument biex pubblikament jawgura lill-omm tiegħu, il-kantanta veterana tal-mużika Maltija Doreen Galea, fl-okkażjoni ta’ għeluq sninha.
F’messaġġ qasir iżda mimli tifsira, kiteb: “Happy birthday lill-għażiża ommi Doreen. Nittama li Alla jbierkek dejjem”. Kliem sempliċi, iżda li fihom jinħass ir-rispett u l-imħabba lejn figura li għal snin twal tat kontribut importanti fix-xena mużikali Maltija.
Doreen Galea tibqa’ isem sinonimu ma’ era partikolari tal-mużika lokali, u għal ħafna għadha vuċi li tfakkar memorji u mumenti speċjali. Illum, iżda, hi ġurnata aktar personali, ċelebrazzjoni fil-familja, fejn binha jesprimi gratitudni u apprezzament lejn ommu.
Awguri lil Doreen f’dan il-jum speċjali mingħand it-tim ta’ Gwida. Nawgurawlha aktar snin ta’ saħħa, hena u kuntentizza.
