Ixxerja

Ftit xhur wara li ħalla din id-dinja ibnu Jake Vella ta’ 15-il sena, Josie jisħaq li għadu jbati sal-lum il-ġurnata iżda jistqarr li madankollu jħossu kburi u sodisfatt li Jake kien ibnu.

“Il-ħajja bit-tifel ma kinitx waħda faċli,” jirrakkonta Josie li jsemmi kif għamel 665 lejl maġenb ibnu fl-isptar Mater Dei. B’dieqa jiftakar kif eżattament fit-30 t’Awwissu, hu qatta l-aħħar lejl maġenb ibnu hekk kif wara, Jake tilef il-ġlieda tiegħu kontra l-kundizzjoni rari tar-ROHHAD.

“Għal ħafna mumenti kont naħseb li jien u l-kelba se nibqgħu fid-dar,” stqarr Josie li semma kif l-irwol tiegħu fil-familja kien sar iżjed diffiċli meta martu mardet bil-kanċer. Madankollu, b’xorti tajba “issa tinsab aħjar”.

Josie temm il-messaġġ tiegħu billi appella lill-ġenituri kollha sabiex iħobbu lil uliedhom kemm jistgħu għaliex ifakkar li t-telfa tagħhom hija “kbira ħafna”.

Missier Jake ġie magħżul sabiex nhar il-Ħadd li ġej fis-sala tal-Kunsill Lokali tal-Belt Valletta jirrappreżenta lil missirijiet oħrajn li bħalu tilfu lil uliedhom billi jaqsam l-esperjenza tiegħu.

Kuraġġ, Josie!

Ritratti: Facebook / Jake Vella 

Ixxerja

Miktub Minn

Cristian Tonna

Jinteressa ruħu ferm f'dak kollu li qed iseħħ madwaru u lil hinn. Isegwi b'mod kontinwu x-xogħlijiet letterarji li jissawru bis-saħħa tal-ilsien Malti li huwa ferm għal qalbu. Iżomm ruħu aġġornat bl-avvanzi kollha li jseħħu fil-qasam tat-teknoloġija.

Issa

“Ejjew Inwarrbu L-Loġika Tal-Vjolenza U L-Gwerra U Minflok Inħaddnu Paċi Msejsa Fuq L-Imħabba U L-Ġustizzja” – Papa…

Cristian Tonna Ilbieraħ

Fuq il-pjattaforma ta’ X, il-Papa Ljun XIV reġa’ mill-ġdid appella sabiex id-dinja tħaddan il-paċi. Hu appella sabiex titwarrab il-loġika ta’ vjolenza u gwerer u minflok tingħata prijorità lill-imħabba u l-ġustizzja.Il-Kap tal-Knisja Kattolika saħaq li l-paċi biss għandha l-ħila li ssolvi l-gwerer u tnissel it-tama u l-empatija fil-qlub tan-nies.Il-Papa temm il-mesaġġ tiegħu billi ħeġġeġ sabiex ikun […]