Permezz ta’ kitba fuq il-paġna tagħhom, Tri-Mer sellmu l-memorja tal-kollega u ħabib tagħhom Joe Camilleri Bowman li ħalla din id-dinja llum.
Huma qalu, “illum qed inħossu t-telfa tal-kollega għażiż tagħna Joe Camilleri Borman, li ħalla din id-dinja dalgħodu. Joe kien membru maħbub tat-tim tagħna, li d-dedikazzjoni tiegħu, l-qalb tajba, u s-saħħa siekta tiegħu ħallew impatt fuq dawk kollha li kellhom il-privileġġ jaħdmu miegħu. Anke fix-xhur riċenti, baqa’ jagħti l-kontributt tiegħu lill-uffiċju, dejjem bi tbissima u b’storja miegħu – sikwit fuq il-futbol u l-Spurs li tant kien iħobb.”
Żiedu, “Ser nimmisjawh immens – mhux biss għall-professjonalità tiegħu, imma wkoll għall-ġentilezza u s-sens ta’ ħbiberija li dejjem wera magħna lkoll. Il-ħsibijiet tagħna huma mal-familja ta’ Joe u l-għeżież tiegħu f’dan il-mument diffiċli.”
Mit-tim ta’ Gwida.mt nixtiequ nagħtu l-kondoljanzi tagħna lill-familjari u lill-ħbieb kollha tiegħu f’dawn il-mumenti tant diffiċli.
