Ixxerja

Minn avukat gradwat minn Harvard, Robert Boxie III kompla t-triq għas-saċerdozju, u issa sar ukoll l-iżgħar isqof Kattoliku fl-Istati Uniti fejn fl-età ta’ 45 sena nħatar Isqof Awżiljarju ta’ Washington mill-Papa Ljun XIV.

Boxie, li ġej minn Louisiana, studja fl-Università ta’ Vanderbilt qabel kompla l-istudji tiegħu f'Harvard. Wara li ggradwa fil-liġi, huwa ħadem bħala skrivan legali ma’ imħallef federali u aktar tard bħala avukat ma’ uffiċju f’Washington D.C.

Minkejja li kellu karriera tajba quddiemu, Boxie beda jħoss li l-vokazzjoni tiegħu kienet differenti. Kien proprju waqt is-snin tiegħu jistudja l-liġi meta beda jieħu l-fidi tiegħu b’mod aktar pubbliku u attenda l-ewwel irtir dwar il-vokazzjoni tas-saċerdozju. Eventwalment ħalla l-karriera legali warajh, daħal is-seminarju fl-2010 u ġie ordnat saċerdot fl-2016.

Għaxar snin wara, il-Papa Ljun XIV għażlu biex isir isqof. Boxie ġie ordnat isqof fit-8 ta’ Lulju 2026, u b’hekk sar l-iżgħar isqof Kattoliku li bħalissa qed iservi fl-Istati Uniti.

Ixxerja

Miktub Minn

Charlton Cefai

Student tal-liġi, jħobb is-safar kif ukoll għandu għal qalbu ferm il-letteratura Maltija. Iħobb isegwi ferm id-dinja tal-ispettaklu kemm nazzjonali kif ukoll internazzjonali, b’mod speċjali fejn jidħol il-qasam tal-mużika. Fil-ħin liberu jħobb jikteb u jaqra jew inkella jara xi dokumentarju.

Artikli Ricenti

Dan Huwa L-Bastiment Lussuż Elegant Li Jilqa’ Biss 216 Il-Mistieden U Bħalissa Jinsab Fl-Ibħra Maltin

Charlton Cefai Illum

Jekk illum inzertajtu vapur mill-isbaħ madwar Malta jew Għawdex, aktarx li kontu qed taraw il-VidantaWorld’s ELEGANT, bastiment lussuż li l-kumpanija tippreferi tiddeskrivih bħala “mega yacht” aktar milli bħala cruise liner tradizzjonali.L-ELEGANT jilqa’ biss 216-il mistieden, mifruxa fuq 108 suites, u għandu proporzjon ta’ madwar membru tal-ekwipaġġ għal kull mistieden. Abbord wieħed isib ukoll 13-il restorant […]