Ixxerja

Il-Kunsill Lokali ta’ Bormla feraħ lill-plejer Bormliża Shakira Bugeja wara li ġiet magħżula bħala l-Best Player tal-Kampjonat tan-Nisa tal-Beach Soccer 2026, unur li rebħet għat-tieni sena konsekuttiva.

F’messaġġ ippubblikat fuq il-midja soċjali, il-Kunsill esprima l-kburija tiegħu għas-suċċess ta’ Shakira, li matul dan l-istaġun irrappreżentat lil Birkirkara Beach Soccer fit-triq lejn ir-rebħ tal-kampjonat.

Il-Kunsill qal li, permezz tal-wirjiet tagħha fuq ir-ramel, Shakira kompliet tagħmel ġieħ lill-belt ta’ Bormla u tgħolli isimha fix-xena sportiva lokali.

"Prosit mill-qalb lil Bormliża Shakira Bugeja li ġiet magħżula Best Player tal-Kampjonat tan-Nisa tal-Beach Soccer 2026 għat-tieni sena konsekuttiva," kiteb il-Kunsill Lokali ta’ Bormla.

Il-messaġġ intemm b’awgurju lil Shakira għal aktar suċċessi fil-futur, hekk kif tkompli tispikka fil-karriera sportiva tagħha u tkun ta’ ispirazzjoni għal atleti żgħażagħ oħra.

Ixxerja

Miktub Minn

Emil Calleja Bayliss

Iħobb il-lingwa Maltija u jsegwi b’mod attiv ix-xena mużikali lokali. Id-dinja tal-ispettaklu taffaxxinah u l-għaxqa tiegħu jara xows differenti. Biex jirrilassa Emil jieħu gost imur ħdejn il-baħar u fil-kampanja, hemm isib ftit kwiet ’il bogħod mill-ġenn.

Issa

“Illum Infakkru L-100 Sena Mit-Twelid Ta’ Dun Ġwann Bugeja” – Parroċċa San Sebastjan – Qormi

Gabriella Borg Illum

Il-Parroċċa San Sebastjan ta’ Ħal Qormi sellmet il-memorja ta’ Dun Ġwann Bugeja f’jum l-għeluq tal-mitt sena tiegħu.Kitbu, “Illum infakkru l-100 sena mit-twelid ta’ Dun Ġwann Bugeja, saċerdot li minkejja li ma kienx mill-Parroċċa tagħna però għal aktar minn 60 sena ta servizz fil-Parroċċa. Dun Ġwann Bugeja twieled fl-10 ta’ Lulju 1926 fl-Isla minn Ġwakkin u […]