Ixxerja

Mument speċjali waqt il-Karnival tas-Sajf f’Buġibba, hekk kif Lucas Baldacchino, fl-età ta’ erba’ snin u għaxar xhur biss, irnexxielu jikseb rekord nazzjonali ġdid fil-gżejjer Maltin.

Il-paġna magħrufa The Malta Records ħabbret li Lucas huwa l-iżgħar tifel li saq l-iżgħar karru tal-Karnival waqt sfilata tal-Karnival fil-gżejjer Maltin. Il-karru li saq iċ-ċkejken Lucas għandu qisien ta’ 1.10 metri b’1.10 metri, jaħdem u jinstaq kompletament bl-elettriku u għandu wkoll diversi movimenti.

Minkejja li għandu biss erba’ snin, Lucas deher tassew kunfidenti waqt li kien qed isuq il-karru u skont The Malta Records, irnexxielu jisraq il-qlub ta' ħafna mill-udjenza li kienu preżenti għal din l-okkażjoni.

The Malta Records awgurat lil Lucas sabiex ikompli jgħix din il-ħolma tiegħu waqt l-isfilati tal-Karnival tas-Sajf, li qed joħolqu atmosfera ta’ ferħ u entużjażmu għal dawk kollha dilettanti tal-Karnival.

Ixxerja

Miktub Minn

Eileen Cumbo Salerno

Eileen tħobb tikteb bil-Malti u tħaddan b’passjoni l-lingwa bħala edukattriċi. Għandha interess kbir fid-dinja tal-moda u l-mużika – żewġ oqsma li jgħinuha tesprimi min hi b’mod artistiku u spontanju. Il-meditazzjoni u l-qari jgħinuha tibqa’ tikber kemm fuq livell personali kif ukoll dak kreattiv.

Issa

Awguri Lil Dun Dillon Bugeja Li Llum Qed Jiċċelebra Għeluq Sninu 

Eileen Cumbo Salerno Illum

Illum huwa jum speċjali għall-Kan. Viċi-Arċipriet Dun Dillon Bugeja, hekk kif qed jiċċelebra għeluq sninu.Il-Parroċċa San Bastjan f’Ħal Qormi wasslet l-isbaħ xewqat tagħha lil Dun Dillon f’dan il-jum, filwaqt li rringrazzjatu għas-servizz li kontinwament jagħti fi ħdan il-komunità parrokkjali. “Filwaqt li nifirħu miegħu għad-don tal-ħajja, nirringrazzjawh tas-servizz li jagħti fil-Parroċċa tagħna,” kitbet il-Parroċċa. Żiedu jgħidu […]