Ixxerja

Il-festa ta’ Santa Katarina fiż-Żejtun kompliet tikteb l-istorja hekk kif twaqqaf rekord nazzjonali ġdid fil-qasam tal-piroteknika mill-Kummissjoni Nar fi ħdan is-Soċjetà Mużikali Beland. Skont Malta Records, li kienet preżenti biex tivverifika r-rekord, il-proċess tal-għadd u l-verifiki beda sa mis-18:00 qabel l-ispettaklu li sar fuq il-bejt tal-każin tal-banda.

Ir-rekord kien jikkonsisti fl-itwal arblu magħmul minn festun bil-flashpots, akkumpanjat bil-mużika u maħruq bħala parti mill-attivitajiet tal-festa. L-arblu kellu tul ta’ 70 pied u kien magħmul minn 544 flashpot. L-ispettaklu pirotekniku dam għaddej għal 9 minuti u 04.28 sekondi, u wara l-verifiki kollha meħtieġa ġie kkonfermat bħala rekord nazzjonali ġdid.

F’kitba fuq il-midja soċjali, Malta Records faħħret l-isforz tal-Kummissjoni Nar u rringrazzjat lill-Belandiżi tal-merħba li sabet waqt iż-żjara tagħha fiċ-Città Beland. Dan is-suċċess ikompli jżid mal-prestiġju tal-festa ta’ Santa Katarina, waħda mill-aktar festi popolari fil-gżejjer Maltin, filwaqt li juri l-livell għoli ta’ dedikazzjoni u kreattività li jikkaratterizza l-qasam tal-piroteknika f’Malta.

Ixxerja

Miktub Minn

Emil Calleja Bayliss

Iħobb il-lingwa Maltija u jsegwi b’mod attiv ix-xena mużikali lokali. Id-dinja tal-ispettaklu taffaxxinah u l-għaxqa tiegħu jara xows differenti. Biex jirrilassa Emil jieħu gost imur ħdejn il-baħar u fil-kampanja, hemm isib ftit kwiet ’il bogħod mill-ġenn.

Issa

Tmut Helen Borg, Eks President Tal-Kunsill Tal-Iskola Għat-Tagħlim Tul Il-Ħajja U Eks Headteacher Ta’ Birkirkara

Emil Calleja Bayliss Illum

Tħabbret il-mewt ta’ Helen Borg, eks President tal-Kunsill tal-Iskola għat-Tagħlim Tul il-Ħajja u eks Kap tal-Iskola Vincenzo Borg Brared School – St Theresa College Middle School f’Birkirkara. L-aħbar tħabbret minn żewġha Vince, li permezz ta’ messaġġ mill-qalb sellem il-memorja ta’ martu, filwaqt li fakkar fil-kuraġġ u l-perseveranza li wriet matul il-ġlieda tagħha kontra l-marda severa […]