Ixxerja

L-atleta Maltija Tenishia Thornton kompliet tikteb l-istorja fil-weightlifting hekk kif spiċċat fis-seba’ post fil-finali tal-kategorija ta’ 69kg, filwaqt li stabbilixxiet rekord nazzjonali ġdid.

Skont il-Malta Weightlifting Association, Thornton fetħet il-kompetizzjoni b’suċċess fis-snatch b’90kg. Għalkemm naqset milli tlesti t-tieni tentattiv tagħha ta’ 93kg, hija rkuprat fit-tielet u l-aħħar tentattiv tagħha, fejn irnexxielha ttella’ t-93kg u b’hekk waqqfet rekord nazzjonali ġdid.

Fil-clean and jerk, Thornton bdiet b’114kg, piż li kien biss kilogramma inqas mill-aqwa riżultat personali tagħha. Hija rnexxielha tagħmel il-117kg f’żewġ tentattivi, iżda ma rnexxilhiex illokkja l-bar fuq rasha fiż-żewġ okkażjonijiet.

Fl-aħħar nett, l-atleta Maltija temmet il-kompetizzjoni b’total ta’ 207kg u kisba impressjonanti tas-seba’ post, riżultat li jkompli jikkonferma l-livell għoli tagħha fix-xena internazzjonali tal-weightlifting.

Ixxerja

Miktub Minn

Emil Calleja Bayliss

Iħobb il-lingwa Maltija u jsegwi b’mod attiv ix-xena mużikali lokali. Id-dinja tal-ispettaklu taffaxxinah u l-għaxqa tiegħu jara xows differenti. Biex jirrilassa Emil jieħu gost imur ħdejn il-baħar u fil-kampanja, hemm isib ftit kwiet ’il bogħod mill-ġenn.

Issa

Tħabbret Il-Mewt Ta’ Charlie “Ir-Relax” – Issa Qed Isir Appell Biex Tinstab Dar Ġdida Għall-Kelb Tiegħu Ozzy

Emil Calleja Bayliss Illum

Tħabbret il-mewt ta’ Charlie, magħruf minn ħafna bħala “Charlie r-Relax”, aħbar li ħalliet lil dawk li kienu jafuh b’sens ta’ niket.Fost dawk li sellmulu kien hemm persuna qrib tiegħu, li ddeskrivietu bħala bniedem mimli enerġija u qalb tajba. Fabio jirrakkonta kif kienu jiltaqgħu ta’ spiss għall-kolazzjon u fakkar fil-ġenerożità tiegħu, hekk kif kien jagħti donazzjonijiet […]