Il-komunità sportiva qed tingħaqad f’mument ta’ niket mal-Captain tal-Klabb, Steve Pisani u l-familja tiegħu wara t-telfa tan-nannu tiegħu, Grezzju Muscat.
Permezz ta’ messaġġ maħsub, il-klabb wassal il-kondoljanzi sinċieri tiegħu lil Steve u lill-għeżież tiegħu f’dan il-mument diffiċli, filwaqt li esprima wkoll il-ħsibijiet u t-talb tiegħu għall-familja u l-ħbieb kollha li qed iħossu n-nuqqas ta’ Grezzju.
It-telfa ta’ persuna għażiża qatt ma tkun faċli. F’mumenti bħal dawn, kliem ta’ faraġ, ħsieb żgħir jew sempliċiment il-preżenza ta’ dawk li jħobbu, jistgħu jagħmlu differenza kbira għal familja li tkun għaddejja minn żmien ta’ uġigħ.
It-Tim ta' Gwida.mt jixtiequ jagħtul-kondoljanzi lil Steve u lill-familja Muscat, f’dan iż-żmien ta’ niket. Jalla l-memorji sbieħ li ħalla Grezzju f’ħajjithom jibqgħu jgħixu f’qalbhom u jagħtuhom is-saħħa biex ikomplu 'l quddiem.
Facebook/Sliema Wanderers FC
