Sefora Aquilina, ta’ Diegoandus, mill-pjattaforma tagħha taqsam dan ir-ritratt ħlejju ta’ wliedha u titkellem dwar l-imħabba ġenwina li jinħabbu biha.
“Għajjejt niflih dan ir-ritratt… Kultant niddubita lili nnifsi jekk inhiex tajba biżżejjed għall-ġmiel ta’ tfal li l-Mulej premjani bihom.
Kultant jiddispjaċini meta nirrealizza li nkun żbaljajt magħhom. Forsi għajjat iżżejjed, forsi kont nervuża wisq, forsi ma rnexxilix nagħtihom ħin biżżejjed.
Imma mbagħad narahom hekk mgħannqin u ngħid ara, jekk ma jien ngħallimhom xejn dat-tfal, żgur li qed ngħallimhom l-imħabba.
U xi ġmiel ta mħabba! Għaxar snin ‘il bogħod min xulxin, demm differenti, imma qalbhom hija waħda. Diego jfiitex lill Giulia għal wens u Giulia donnha diġa’ tifhem xi rwol se jkollha f ħajjet Diego. Donnha diġa’ qed turih li jista jistkenn taħt ġwinħajha ħalli tieħu ħsiebu.
Tkun kemm tkun diffiċli l-ġurnata, narahom hekk u ninsa kollox.”
Prosit Sefora tat-trobbija sabiħa li qed tgħaddi lil dawn it-tfal!
View this post on Instagram
