Ixxerja

Il-Korp tal-Pulizija ħareġ twissija lill-pubbliku dwar messaġġi frawdolenti li qed jiċċirkolaw u li jitolbu lin-nies biex jivvutaw għal xi ħadd f'kompetizzjoni online permezz ta' link suspettuż.

Skont il-Pulizija, dawn il-messaġġi ħafna drabi jidhru li jkunu ntbagħtu minn persuni magħrufa, iżda fil-verità jistgħu jkunu parti minn attentat ta' frodi biex tinsteraq informazzjoni personali jew finanzjarja, jew saħansitra biex jinkiseb aċċess għall-kontijiet tal-vittmi.

Il-Pulizija qed tappella lill-pubbliku biex ma jikklikkjax fuq links suspettużi, ma jiddaħħlux dettalji personali jew bankarji, u dejjem jivverifika l-awtentiċità tal-messaġġ permezz ta' mezz ieħor ta' komunikazzjoni mal-persuna li allegatament bagħtitu.

Barra minn hekk, il-pubbliku huwa mħeġġeġ iħassar dawn il-messaġġi u jirrapportahom fejn ikun possibbli. Il-Pulizija temmet l-appell tagħha b'messaġġ sempliċi iżda importanti: "Aħseb dejjem qabel tikklikkja."

Ixxerja

Miktub Minn

Kyle Zarb

Interessat ħafna f'dak kollu li hu relatat mal-midja u x-xandir. Nistgħu ngħidu li hu ffissat fid-dinja tal-ispettaklu; kemm dik lokali kif ukoll internazzjonali. Isegwi d-drama Maltija ta' kull ġeneru u tassew japprezza t-talent Malti. Għandu esperjenza fejn jidħol kant, kif ukoll animazzjoni għat-tfal. Hu jħoss sodisfazzjon kbir meta jferraħ lil ħaddieħor u tkun xi tkun iċ-ċirkostanza jipprova dejjem iżomm tbissima fuq fommu.

Issa

“Illum Kien L-Ewwel Jum Tiegħi Fi Skola Sajf, U Ġejt Milqugħa B’Tant Tbissim, Imħabba U Affezzjoni.” – Kate: Writing My…

Kyle Zarb Illum

Il-paġna Kate: Writing My Story qasmet mument sabiħ mill-ewwel jum ta’ Kate ġewwa skola sajf. F’messaġġ fuq il-midja soċjali, hija rrakkuntat li ntlaqgħet b’ħafna tbissim, mħabba u affezzjoni, esperjenza li għamlitha tħossha milqugħa u komda sa mill-ewwel mumenti.“Illum kien l-ewwel jum tiegħi fi skola sajf, u ġejt milqugħa b’tant tbissim, imħabba u affezzjoni,” jiktbu fuq […]