Ixxerja

Aaron Fenech iċċelebra għeluq il-65 sena ta’ missieru b’messaġġ emozzjonanti fuq il-midja soċjali, fejn irringrazzjah għall-imħabba, is-saħħa u s-sagrifiċċji li għamel tul is-snin għall-familja tiegħu. Fost il-kliem mimli mħabba, Aaron iddeskriva lil missieru bħala "s-saħħa tiegħi u wieħed mill-akbar eżempji f’ħajti," filwaqt li fakkar kif, minkejja l-isfidi li għaddew minnhom bħala familja, dejjem baqa’ sod u ta’ appoġġ.

Huwa qal li missieru dejjem mexxiehom fit-triq it-tajba u wriehom xi tfisser tassew is-saħħa, l-imħabba u s-sagrifiċċju. Żied li grazzi għalih, hu u ħuh kibru biex saru rġiel li huma llum. Aaron irringrazzja wkoll lil missieru tal-imħabba bla kundizzjoni li għadu jagħti lilu, lil martu Sindel u lil uliedhom, filwaqt li stqarr li jħossuhom tassew xxurtjati li għandhom persuna bħalhu f’ħajjithom.

Fi tmiem il-messaġġ tiegħu, Aaron awguralu għeluq sninu u qal, "Awguri f'għeluq l-65 sena, Papà. Inħobbuk aktar milli jistgħu jesprimu l-kliem." Nawgurawlu għeluq snin mill-isbaħ mimli saħħa, ferħ u mumenti sbieħ mal-familja tiegħu.

Ixxerja

Miktub Minn

Emil Calleja Bayliss

Iħobb il-lingwa Maltija u jsegwi b’mod attiv ix-xena mużikali lokali. Id-dinja tal-ispettaklu taffaxxinah u l-għaxqa tiegħu jara xows differenti. Biex jirrilassa Emil jieħu gost imur ħdejn il-baħar u fil-kampanja, hemm isib ftit kwiet ’il bogħod mill-ġenn.

Issa

F’Dan Il-Jum Jiġu Ċċelebrati Dawk Li Jiddentifikaw Bħala Non-Binary

Kyle Zarb Illum

Illum, l-14 ta’ Lulju, jiġi ċċelebrat il-Jum Internazzjonali tan-Non-Binary, ġurnata ddedikata biex tqajjem aktar għarfien dwar persuni li ma jidentifikawx b’mod esklussiv bħala raġel jew mara.Din il-ġurnata tenfasizza li l-identità tal-ġeneru hija spettru u tfakkar fl-importanza tar-rispett, id-dinjità u l-inklużjoni għal kulħadd.Din hija wkoll opportunità biex nirriflettu fuq l-isfidi li għadhom jaffaċċjaw ħafna persuni non-binary, […]