Dan il-weekend, il-White Rocks Complex se jinbidel f’festival enormi għall-familja kollha, b’atmosfera perfetta għal tmiem il-ġimgħa tar-rebbiegħa mimli divertiment, ikel u mużika.
B’veduti sbieħ tal-baħar, xemx, mużika live u vibes mill-aqwa tul il-ġurnata kollha, l-attività qed twiegħed esperjenza ideali għal min jixtieq iqatta’ weekend rilassanti mal-familja jew mal-ħbieb.
It-tfal se jkollhom żona enormi ddedikata għalihom b’kastelli li jintefħu, trampolini, ball pits, bungee jumping trampolines, face painting u ħafna aktar attrazzjonijiet divertenti. Fl-istess waqt, l-adulti jistgħu jgawdu spazju apposta mimli entertainment u attivitajiet.
Dawk li jħobbu l-ikel se jsibu għażla kbira ta’ food trucks u food stalls b’togħmiet minn madwar id-dinja kollha, filwaqt li bars tal-cocktails, birer kesħin u xorb frisk ieħor se jkunu disponibbli matul il-ġurnata kollha.
L-avveniment se jinkludi wkoll market vibranti bi brands lokali, creators u prodotti uniċi, flimkien ma’ DJs u live entertainment li se joħolqu atmosfera perfetta minn nofsinhar sa billejl. L-attività hija family-friendly u pet-friendly, għalhekk kulħadd huwa mistieden jingħaqad għall-festa.
Kemm jekk sejjer għall-ikel, ix-xorb, il-mużika jew sempliċiment biex tgawdi ġurnata sabiħa fir-rebbiegħa, dan żgur jidher bħala wieħed mill-aqwa pjanijiet għal dan il-weekend. Ftakru li d-dħul huwa b’xejn, nhar is-Sibt 16 ta’ Mejju min-12:00 sat-19:00 sal-Ħadd 17 ta’ Mejju mill-10:00 sas-19:00.
