Janet Zahra Walker kitbet messaġġ profond fuq il-paġna tagħha fejn spjegat f’iżjed dettall dwar x’taffaċċja fil-ħajja ta’ kuljum u l-appoġġ li għandha bżonn.
Hi spjegat, “Xi nies qed jistaqsuni għaliex m’għadnix nikteb daqs qabel dan l-aħħar, speċjalment ma’ ommi. Il-verità? Jien għajjiena. Jien ngħix bl-MS, ma nistax nimxi mingħajr krozzi. Għal distanzi itwal għandi bżonn siġġu tar-roti. Nużah fl-ajruporti. Imma hemm bżonn li ma tkunx tista’ toħroġ mis-sodda biex jistħoqqlok l-appoġġ? U meta jiġri hekk, jistgħu xorta jsuqu? Jistgħu xorta jmorru għax-xogħol? Jistgħu xorta jkunu hemm għal dawk li jħobbu?”
Kompliet tikteb, “Jiena dejjem kont indipendenti. Il-familja tiegħi dejjem kienet tiddependi fuqi. Jekk naqa’ jiena, jaqgħu huma. Jien mhux biss inżur lil ommi fid-dar tal-anzjani, inpoġġi ma’ ħaddieħor ukoll. Nitkellem magħhom. Inwasslilhom il-ferħ. Hekk jien.”
Qalet ukoll, “Imma ħajti mhix biss dwar id-dar u l-kura. Naħdem ukoll, u għandi bżonn naħdem. Għandi bżonn il-paga biex inkompli, biex ngħix. Allura meta l-enerġija kollha tiegħi tinħela biex nimxi biss sal-karozza tiegħi li tkun ipparkjata ‘l bogħod, x’jibqa’ għax-xogħol? X’jibqa’ għal ommi, għalija nnifsi? Iva, hemm karozzi apposta għal min għandu bżonnijiet speċjali, imma ejja nkunu realistiċi, dawk jiswew ħafna flus, u jien m’għandix dak il-budget. Il-karozza li għandi bħalissa tagħtini l-libertà. Jekk jogħġobkom, toħduhiex mingħandi. Anke l-kelb tiegħi adatta għall-bidla. Mhux ta’ b’xejn huwa l-aqwa kelb. Huma jafu. Iva jafu!”
Hi żiedet tgħid li temmen li jekk xi ħaġa ma tużahiex, titlifha, u ma tixtieqx titlef iżjed milli diġa tilfet. Irringrazzjat lil kull min jagħtiha l-appoġġ u esprimiet kemm tħossha grata.
Facebook / Janet Zahra Walker
