Ixxerja

Fgura United Football Clubirnexxielhom jgħaqqdu l-passjoni għall-futbol ma’ att ta’ solidarjetà, hekk kif taw donazzjoni ta’ €435 lill-Association for Abandoned Animals (AAA).

Matul l-istaġun 2025/2026, it-timijiet ta’ taħt il-15-il sena, taħt is-17-il sena, taħt il-21 sena u l-Ewwel Tim ta’ Fgura United skorjaw bejniethom 174 gowl.

Permezz ta’ din l-inizjattiva kreattiva, dawn il-gowls wasslu biex inġabret is-somma sabiħa ta’ €870 li mbagħad ġiet maqsuma b’mod ugwali bejn żewġ għaqdiet tal-karità. B’hekk, €435 marru għall-AAA Sanctuary.

L-għaqda rringrazzjat mill-qalb lil Fgura United għal din id-donazzjoni, filwaqt li spjegat li kull gowl li skorjaw il-plejers issa qed jissarraf f’aktar sigurtà, ikel u kura medika għall-annimali li ġew salvati u li jinsabu fis-santwarju.

Ixxerja

Miktub Minn

Eileen Cumbo Salerno

Eileen tħobb tikteb bil-Malti u tħaddan b’passjoni l-lingwa bħala edukattriċi. Għandha interess kbir fid-dinja tal-moda u l-mużika – żewġ oqsma li jgħinuha tesprimi min hi b’mod artistiku u spontanju. Il-meditazzjoni u l-qari jgħinuha tibqa’ tikber kemm fuq livell personali kif ukoll dak kreattiv.

Issa

Illejla Shezneia Attard Se Tirrakkonta L-Istorja Tagħha Waqt ‘Sajf Ma’Gaffiero’ 

Eileen Cumbo Salerno Illum

Shezneia Attard, it-tfajla ta’ 13-il sena li kitbet ktieb b’risq Puttinu Cares, illejla se tkun mistiedna għal intervista waqt il-programm Sajf Ma’Gaffiero.Illum Gaffiero, fuq il-paġna uffiċjali Ma’Gaffiero esprima l-ħerqa tiegħu biex jitkellem ma’ Shezneia u ddeskrivieha bħala tfajla brava. Minkejja l-età żgħira tagħha, Shezneia diġà spikkat għall-inizjattiva sabiħa tagħha li permezz tagħha għażlet li tuża l-kitba […]