Raisa Brincat Newell wasslet messaġġ emozzjonanti lil binha Zyas f’għeluq it-18-il sena tiegħu, fejn ħarset lura lejn il-vjaġġ li għadda minnu.
Hi fakkret fl-isfidi u l-bidliet li ffaċċjaw, fosthom li marru jgħixu f’sitt djar differenti, iżda saħqet li minkejja kollox binha dejjem wera paċenzja, fehim u mħabba lejha.
Raisa stqarret li l-aktar ħaġa importanti għalih qatt ma kienet xi rigal jew ġid materjali, iżda l-ħin u l-mumenti li qattgħu flimkien.
Ommu esprimiet, "Hekk kif tidħol fl-età adulta, nawguralek saħħa, imħabba bla tarf, ħafna gowls x’tiskorja (kemm fil-grawnd tal-futbol kif ukoll barra minnu), opportunitajiet sbieħ u, fuq kollox, hena."
Il-messaġġ tagħha ntemm b’kelmtejn mill-qalb: "Inħobbok Zyas!"
Nawgurawlu!
