Il-komunità parrokkjali ta' Ħal Balzan ingħaqdet biex tawgura lill-Mons. Joe Galea Curmi fl-okkażjoni tal-35 anniversarju mill-ordinazzjoni saċerdotali tiegħu, filwaqt li rringrazzjat lil Alla għall-ministeru, id-dedikazzjoni u s-servizz tiegħu lejn il-Knisja u l-poplu Malti.
F'messaġġ mimli apprezzament, il-parroċċa esprimiet il-ferħ tagħha għal dan l-anniversarju sinifikanti u wegħdet it-talb tagħha sabiex il-Mulej ikompli jberku fil-missjoni pastorali tiegħu u jagħtih is-saħħa biex ikompli jaqdi b'fedeltà u ġenerożità.
Il-komunità appellat ukoll lill-insara biex jitolbu għal aktar vokazzjonijiet saċerdotali u reliġjużi. "Nitolbu għal Mons. Joe Galea Curmi u għal vokazzjonijiet ġodda," kien il-messaġġ sinifikanti li bih il-komunità ta' Ħal Balzan sellmet dan l-anniversarju speċjali.
Nawgurawlek Mons. Isqof Joe Galea Curmi!
