Ixxerja

Kate mill-paġna Kate: Writing My Story qasmet aġġornament pożittiv dwar il-progress tagħha waqt li tinsab f’Harlow, Londra, għal programm intensiv ta’ terapija ta’ tliet ġimgħat fiċ-Ċentru NAPA.

Fil-messaġġ tagħha, Kate spjegat li bħalissa qed taħdem fuq mod importanti ta’ komunikazzjoni permezz ta’ apparat magħruf bħala eye-gaze device. Dan huwa monitor li jsegwi l-movimenti tal-għajnejn tagħha u jgħinha tesprimi dak li tkun trid tgħid.Kate spjegat li l-apparat ingħatalha mill- Malta Trust Foundation.

Barra minn hekk, qasmet ukoll progress ieħor importanti fil-vjaġġ tagħha lejn aktar indipendenza. Hija spjegat li issa qed titgħallem tiekol waħedha b’assistenza minima, kapaċi tuża furketta, taqbad l-ikel u tiekol waħedha.“Din hija titjiba kbira u ninsab kburija ħafna bija nnifsi,” kitbet Kate, filwaqt li żiedet li tinsab ħerqana biex tikseb aktar suċċessi wara li tlesti dan il-programm intensiv.

Il-messaġġ tagħha ntlaqa’ b’ħafna messaġġi ta’ inkoraġġiment u appoġġ mingħand dawk li ilhom isegwu l-vjaġġ ispiranti tagħha.

Ixxerja

Miktub Minn

Eileen Cumbo Salerno

Eileen tħobb tikteb bil-Malti u tħaddan b’passjoni l-lingwa bħala edukattriċi. Għandha interess kbir fid-dinja tal-moda u l-mużika – żewġ oqsma li jgħinuha tesprimi min hi b’mod artistiku u spontanju. Il-meditazzjoni u l-qari jgħinuha tibqa’ tikber kemm fuq livell personali kif ukoll dak kreattiv.

Issa

“Il-Papà Għamel Waħda Minn Tiegħu!” – Mument Ħelu U Umoristiku Maqsum Minn Guilherme 

Eileen Cumbo Salerno Illum

Mhux kull storja li tinxtered fuq il-midja soċjali tkun waħda serja. Din id-darba, il-paġna Guilherme’s Journey of Hope qasmet mument ħelu u umoristiku li ġab tbissima fuq wiċċ ħafna segwaċi. F’messaġġ qasir iżda mimli ċajt, Guilherme kiteb: “Il-papa għamel waħda minn tiegħu llum!  Wassalni l-iskola… u ħalla l-basket tiegħi d-dar! Ejja idħku ftit bih! ” Dan kollu seħħ […]