Ixxerja

Omm Shazia qasmet aġġornament ġdid dwar il-qagħda ta’ bintha wara li reġgħu marru l-isptar bit-tama li t-tobba jsibu soluzzjoni li tista’ tgħinha.

Hija spjegat li t-testijiet reġgħu indikaw li l-livell tas-serine għadu baxx u li għalissa, id-doża baqgħet l-istess. Skont dak li qasmet, it-tobba f’Malta jixtiequ jitkellmu ma’ tobba barra minn Malta, hekk kif jidher li l-livell tas-serine mhux qed jiżdied kif mixtieq.

Bħala omm, hija ammettiet li din is-sitwazzjoni qed tħalliha mħassba ħafna, filwaqt li esprimiet ix-xewqa tagħha li tara lil bintha tagħmel progress u jkollha kwalità ta’ ħajja aħjar.“Nittama li jsibu mod kif isolvu din il-problema u jgħinu lil Shazia kif tassew għandha bżonn,” kitbet.

Hija temmet il-messaġġ tagħha billi qalet li qatt mhi "se tieqaf taħdem ma’ bintha u li mhux se taqta’ qalbha."

Nawguraw lil Shazia u lill-familja tagħha ħafna kuraġġ u nittamaw li t-tobba jsibu t-triq ’il quddiem li tkun ta’ għajnuna għaliha.

Ixxerja

Miktub Minn

Eileen Cumbo Salerno

Eileen tħobb tikteb bil-Malti u tħaddan b’passjoni l-lingwa bħala edukattriċi. Għandha interess kbir fid-dinja tal-moda u l-mużika – żewġ oqsma li jgħinuha tesprimi min hi b’mod artistiku u spontanju. Il-meditazzjoni u l-qari jgħinuha tibqa’ tikber kemm fuq livell personali kif ukoll dak kreattiv.

Issa

Jittieħed Ritratt B’Qawsalla Mill-Isbaħ Tiżżejjen Fuq Il-Mellieħa Bix-Xena Tal-Knisja Parrokkjali

Eileen Cumbo Salerno Illum

Il-Kunsill Lokali tal-Mellieħa qasam ritratt mill-isbaħ li juri l-lokalità taħt qawsalla spettakolari.Fix-xena tidher ukoll il-Knisja Parrokkjali tal-Mellieħa, li tinsab fil-qalba tal-veduta u tagħmel ir-ritratt aktar impressjonanti. Il-Kunsill iddeskriva dan bħala “mument sabiħ li juri l-ġmiel uniku tal-lokalità tagħna”, biex jiddeskrivi din ił-veduta tant sabiħa.Xenarji bħal dawn ifakkruna kemm in-natura f’ Malta kapaċi tkun tassew spettakolari, […]