Il-paġna ta’ St John Ambulance & Rescue Malta ttella’ dan il-messaġġ dwar waħda mill-voluntiera kuraġġuża u dedikata tagħhom. Marie Therese Pavia bdiet vjaġġ ġdid flimkien mal-Kappillan tal-Università ta’ Malta lejn l-Etjopja.
“Aħna kburin immens b’dawk il-voluntiera kollha tagħna li jgħixu l-ispirtu tas-servizz kuljum, kemm lokalment kif ukoll barra minn xtutna.
Din il-ġimgħa, Marie Therese Pavia, waħda mill-voluntiera ddedikati tagħna, bdiet kapitlu ġdid fil-vjaġġ ta’ ħniena tagħha, hekk kif marret flimkien mal-Kappillana tal-Università ta’ Malta lejn l-Etjopja. L-impenn tagħha li tieħu ħsieb l-oħrajn – kemm meta tkun liebsa l-uniformi kif ukoll meta le – hu tassew ta’ ispirazzjoni.
Marie Therese tirrappreżenta l-aqwa valuri tagħna: servizz, kuraġġ, u qalb.
Grazzi talli inti eżempju sabiħ ta’ x’jiġifieri sservi b’dinjità u b’għan ċar.”
Ritratti: Facebook / Maria Therese Pavia
