Dan il-pass huwa mmirat biex jiffaċilita l-ivvjaġġar fl-UE u bnadi oħra kemm għax-xogħol kif ukoll għat-turiżmu. Id-deputat Prim Ministru u Ministru tas-Saħħa Chris Fearne laqa’ l-iżvilupp mill-Kummissjoni tal-UE li qed tfittex li tintroduċi Digital Green Pass, immirat biex jiffaċilita l-ivvjaġġar.
Il-pass jippermetti lil dawk imlaqqma kontra l-Covid-19 u oħrajn biex jivvjaġġaw b’mod aktar ħieles fl-Unjoni Ewropea u bnadi oħra. Il-Ministru Fearne ddeskrivaha bħala “għodda miżjuda biex tiffaċilita l-ivvjaġġar u tagħti s-setgħa liċ-ċittadini Ewropej.”
This is a welcome development by the @EU_Commission – providing an added tool to facilitate travel and empower #European citizens. https://t.co/J0p4xzySaR
— Chris Fearne (@chrisfearne) March 2, 2021
Il-President tal-Kummissjoni Ewropea Ursula von der Leyen ħadet il-midja soċjali biex tgħid: “Il-Green Pass Diġitali għandu jiffaċilita l-ħajjiet tal-Ewropew. L-għan huwa li bil-mod il-mod ikunu jistgħu jiċċaqalqu b’mod sigur fl-Unjoni Ewropea jew barra – għax-xogħol jew it-turiżmu.”
Il-pass speċjali jista’ jitħabbar fil-ġimgħat li ġejjin għal dawk li ġew imlaqqma, irkupraw mill-Covid-19, jew għal dawk li jiksbu riżultati negattivi tat-test. Dan qed ikun pjanat minħabba sejħiet mis-setturi tal-ivvjaġġar u t-turiżmu tal-Ewropa għall-Gvernijiet tal-UE biex joħolqu pjan direzzjonali li jippermetti lill-industrija terġa’ tibda fil-ħin għas-sajf.
Facebook / Chris Fearne
