Ixxerja

Storja li tassew ħalliet impatt ġiet maqsuma fuq il-midja soċjali mill-paġna tal-Assoċjazzjoni Għall-Annimali Abbandunati, wara li l-kameras tas-sigurtà tagħhom qabdu mument mhux tas-soltu iżda mimli emozzjoni.

Il-filmati juru kelb idur waħdu fit-triq tagħhom: Triq Ħal Far, ġewwa Birżebbuġa, qabel ma waqaf quddiem s-santwarju tal-klieb, kważi donnu kien qed jitlobhom l-għajnuna. Wara li nnutaw dan il-mument, il-voluntiera fetħu l-bieb mal-ewwel u l-kelb baqa’ dieħel mingħajr stennija.

Sfortunatament, minkejja li ġiet mogħtija din l-informazzjoni, ħadd ma kkuntattja jew staqsa għalih. Għalhekk, il-kelb ġie milqugħ u stabbilit ġewwa s-santwarju għall-lejl, fejn sab saqaf fuq rasu u ftit serħan wara ġurnata diffiċli għalih.

Storja sempliċi iżda li tfakkarna kemm xi kultant azzjonijiet żgħar bħal dawn kapaċi jagħmlu differenza kbira.

Ixxerja

Miktub Minn

Eileen Cumbo Salerno

Eileen tħobb tikteb bil-Malti u tħaddan b’passjoni l-lingwa bħala edukattriċi. Għandha interess kbir fid-dinja tal-moda u l-mużika – żewġ oqsma li jgħinuha tesprimi min hi b’mod artistiku u spontanju. Il-meditazzjoni u l-qari jgħinuha tibqa’ tikber kemm fuq livell personali kif ukoll dak kreattiv.

Issa

Jinqabad Li Falla L-Iskola Biex Imur Jara T-Tim Favorit Tiegħu Jilgħab Wara Li L-Kamera Iffukat Fuqu

Cristian Tonna Illum

Meta omm tifel ta’ 9 snin rat kemm binha kien ħerqan sabiex flimkien ma’ missieru jmur jara lit-tim favorit tiegħu jilgħab fis-semi-finali ta’ kampjonat tal-futbol, ċemplet lill-għalliema tat-tifel u qalilthom li binha mhux se jkun jista’ jattendi l-iskola f’dik il-ġurnata għaliex ma kienx f’saħħtu. Ġara madankollu li fil-mument meta Sammy, it-tifel ta’ 9 snin, infexx […]