Ixxerja

Illum jiċċelebra għeluq sninu Heinrich Camilleri! Nafuh bħala attur, fost l-oħrajn f’Missjoni, Qegħdin Sew, La Farfalla, Dellijiet, Maskra, Żafira, u ovvjament Deċeduti, bil-karattru ta’ Tyron.

Apparti minn hekk hu jħaddan bi professjonalitá u b’dedikazzjoni, l-irwol tiegħu fi ħdan il-Protezzjoni Ċivili. Min jaf hu u sħabu kemm isalvaw ħajjiet u jkunu fil-ħin f’mumenti kritiċi. Fuq kollox, Heinrich u sħabu huma persuni li kontinwament jissugraw ħajjithom.

F’jum għeluq sninu Heinrich irċieva diversi xewqat sbieħ, li juru r-rispett u l-imħabba li bosta għandhom lejn, u dawk li tant spikka kienu messaġġi mingħand persuni li Heinrich kien salva. Kurt Mock fost l-oħrajn kitiblu fuq Facebook, “Happy Birthday. Grazzi talli salvajtli ħajti.”

Awguri minn qalbna għażiż u nixtiequ ngħidulek ukoll Prosit u Grazzi tal-ħidma prezzjuża tiegħek! Napprezzaw immens lilek u lil sħabek fil-Protezzjoni Ċivili!

Ixxerja

Miktub Minn

Kyle Zarb

Interessat ħafna f'dak kollu li hu relatat mal-midja u x-xandir. Nistgħu ngħidu li hu ffissat fid-dinja tal-ispettaklu; kemm dik lokali kif ukoll internazzjonali. Isegwi d-drama Maltija ta' kull ġeneru u tassew japprezza t-talent Malti. Għandu esperjenza fejn jidħol kant, kif ukoll animazzjoni għat-tfal. Hu jħoss sodisfazzjon kbir meta jferraħ lil ħaddieħor u tkun xi tkun iċ-ċirkostanza jipprova dejjem iżomm tbissima fuq fommu.

Gossip

“Sena Ilu Ltqajt Ma’ Dar-Raġel… Ir-Relazzjoni Tagħna Mhijiex Perfetta Imma Hija Msejsa Fuq L-Onestà” – Gillian Attard

Gwida.mt 13 ta' Frar, 2026

Illum l-għalliema tal-mużika Gillian Attard qed tiċċelebra l-ewwel anniversarju mal-maħbub tagħha. B’kitba fuq il-midja soċjali Gillian tfisser kif l-imħabba u l-enerġija tal-maħbub tagħha bidlulha ħajjitha u ssostni li permezz tiegħu rnexxielha ssib skop ġdid għal ħajjitha. Tisħaq li għalkemm ir-relazzjoni tagħhom mhijiex perfetta madankollu hija msejsa fuq l-onestà. Awguri!