Ixxerja

Żjara sabiħa u ta’ ispirazzjoni saret lis-Sindku ta’ Marsaskala Mario Calleja, meta ltaqa’ ma’ ġuvnott Skaliż li diġà qed jagħmel differenza fil-komunità.

Il-ġuvnott, bl-isem ta’ Neil Demarco, ħoloq il-ktejjeb bil-Malti “Ispirazzjoni – Ġabra ta’ Stejjer ta’ Kuraġġ”, li jiġbor fih stejjer ta’ individwi li għaddew minn tbatija jew sfidi relatati ma’ kundizzjonijiet differenti fil-ħajja tagħhom.Dan il-ktieb mhux biss jiġbor stejjer li jolqtu l-qalb, iżda jservi wkoll bħala messaġġ ta’ kuraġġ u tama għal dawk li qed jiffaċċjaw diffikultajiet simili.

Is-Sindku Calleja ddeskriva lil Neil bħala “ġuvnott bravu u ta’ ispirazzjoni liema bħala”, u faħħar l-inizjattiva tiegħu li permezz ta’ kitba qed iqajjem aktar għarfien dwar it-tbatija li jgħaddu minnha diversi persuni.

Aktar minn hekk, il-ktieb għandu wkoll skop ta’ solidarjetà. Il-qliegħ kollu mill-bejgħ tiegħu se jkun qed imur b’risq Puttinu Cares, organizzazzjoni Maltija li kontinwament tgħin familji u pazjenti li jkollhom bżonn kura barra minn Malta.

Ixxerja

Miktub Minn

Eileen Cumbo Salerno

Eileen tħobb tikteb bil-Malti u tħaddan b’passjoni l-lingwa bħala edukattriċi. Għandha interess kbir fid-dinja tal-moda u l-mużika – żewġ oqsma li jgħinuha tesprimi min hi b’mod artistiku u spontanju. Il-meditazzjoni u l-qari jgħinuha tibqa’ tikber kemm fuq livell personali kif ukoll dak kreattiv.

Artikli Ricenti

“Xejn Mhu Isbaħ Minn Dawn Il-Mumenti” – Dr Elaine Degiorgio Taqsam Mument Speċjali

Eileen Cumbo Salerno Illum

“Xejn mhu isbaħ minn dawn il-mumenti.” B’dawn il-kelmiet sempliċi iżda mimlijin emozzjoni, Dr Elaine Degiorgio qasmet ritratt sabiħ fuq il-midja soċjali li juri mument ta’ ferħ assolut u mħabba. Fir-ritratt, Degiorgio tidher qed iżżomm lit-tifel tagħha ‘l fuq bi tbissima fuq wiċċha, waqt li binha jidher iħares lejha b’kurżità u tbissima reċiproka. L-istampa, hija meħuda […]