Il-kantanta li rajnieha fuq X Factor tiftaħ qalbha filwaqt li tfakkar it-telfa tal-għażiż missierha. Shenise tikteb, “Bħal-lum seba’ snin ilu, tlift parti minni li qatt ma rnexxieli nerġa’ nsib… vojt li baqa’ jakkumpanjani kuljum, sieket imma dejjem preżenti.”
Hi tispjega, “Kull min jistaqsini x’inhi l-ikbar xewqa tiegħi, dejjem ngħid xi ħaġa superfiċjali — bħal indur id-dinja jew nirbaħ il-lottu. Imma fil-fond ta’ qalbi naf li hemm xewqa waħda biss li qatt ma tista’ sseħħ… li jkolli mqar kwarta miegħek, inħaddnek u ngħidlek ‘ċaw’ kif qatt ma stajt.”
Shenise ttemm tgħid, “Ma tgħaddix ġurnata waħda li ma naħsibx fik, għażiż, u kull ħsieb tiegħek iġib miegħu sens ta’ paċi u nostalġija li ma nistax nispjega. Kieku nista’, nagħti kollox biex nerġa’ nara t-tbissima tiegħek, anke għal mument wieħed biss. Strieħ, Da, dejjem f’qalbi.”
Insellmu l-memorja għażiża tiegħu. Ninsabu ċerti li qed iħarisha minn fejn jinsab!
Facebook / Shenise Ghirxi
