Ixxerja

Ilkoll maħsuda bl-aħbar li ħalliena l-Maestro Aurelio Belli.

Aurelio, mrobbi l-Ħamrun, miżżewweġ lill-kantanta lokali Gloriana Arpa Belli, u flimkien għandhom lil binthom Alexandra.

Aurelio kien beda l-istudji tiegħu fuq l-euphonium fl-età ta’ disa’ snin man-nannu tiegħu Louis Olivari. 

Jibqa’ magħruf għal kemm kien attiv ma’ diversi baned lokali kif wkoll ma’ ensembles bħal Versatile Brass fost l-oħrajn.

Ritratt: Facebook/ Aurelio Belli

F’Ottubru tal-2013, Aurelio ġie mistieden biex jagħmel l-arranġamenti mużikali għall-live band fil-Konkors Kanzunetta Internazzjonli ta’ Malta, fejn huwa idderieġa lil tnax-il pajjijż barrani.

Aurelio kien magħruf ukoll bħala  arranġatur mużikali, ta sehmu fi ħdan l-Orkestra Filarmonika Nazzjonali ta’ Malta, u ħa ħsieb l-arranġamenti mużikali għal wieħed mill-akbar kunċerti li jsiru f’Malta, Rockestra.

F’Marzu konna qed narawh jidderieġi diversi kanzunetti waqt Muzika Muzika.

Tkellem dwar dak li għadda minnu kemm-il darba, speċjalment f’dawn l-aħħar snin, bil-għan li jqajjem kuxjenza u jappoġġja lil ħaddieħor.

Aħna kellna ċ-ċans insiru nafu aktar dwaru u dwar dan il-perjodu iebes waqt il-poddata ta’ Kellymni.

Insellmulek Maestro. Strieħ fis-sliem. Kondoljanzi minn qalbna lil Gloriana, Alexandra u l-familjari, qraba u ħbieb kollha tiegħu.

Ixxerja

Miktub Minn

Kyle Zarb

Interessat ħafna f'dak kollu li hu relatat mal-midja u x-xandir. Nistgħu ngħidu li hu ffissat fid-dinja tal-ispettaklu; kemm dik lokali kif ukoll internazzjonali. Isegwi d-drama Maltija ta' kull ġeneru u tassew japprezza t-talent Malti. Għandu esperjenza fejn jidħol kant, kif ukoll animazzjoni għat-tfal. Hu jħoss sodisfazzjon kbir meta jferraħ lil ħaddieħor u tkun xi tkun iċ-ċirkostanza jipprova dejjem iżomm tbissima fuq fommu.

Issa

Sessjonijiet B’Xejn Tal-Atletika Għat-Tfal Tal-Kottonera Matul Is-Sajf

Kyle Zarb Illum

It-tfal li jgħixu fil-Kottonera se jerġa’ jkollhom l-opportunità li matul is-sajf li ġej jattendu sessjonijiet ta’ taħriġ b’xejn fl-atletika fil-Kulleġġ De La Salle. Dawn is-sessjonijiet se jiffukaw fuq il-ġiri, il-qbiż u dixxiplini oħra, bil-għan li dawn it-tfal jitħarrġu u jtejbu l-ħiliet fl-atletika. Dan tħabbar mis-Segretarju Parlamentari għall-Gvern Lokali, Alison Zerafa Civelli waqt l-iffirmar ta’ ftehim […]