Ixxerja

Illum hija ġurnata speċjali għall-kantanta Maltija Georgina Abela, li qed tiċċelebra għeluq sninha proprju f’Jum San Ġorġ, data b’tifsira kulturali qawwija għal ħafna Maltin.

Il-vjaġġ tagħha fil-mużika beda minn età żgħira, hekk kif ta’ 13-il sena rebħet żewġ festivals fl-Isla. Wara waqfa, reġgħet irritornat għaxar snin wara mal-grupp Structure. Fl-1985 ħadet sehem fil-Blanzuni u kienet ukoll backing vocalist għal Joe Carr fil-Festival Kanzunetta Maltija, qabel mis-sena ta’ wara bdiet tipparteċipa bħala solista.

Fl-1986 iżżewġet lill-kompożitur Paul Abela, u fl-1991 kellhom lil Ryan Paul. Matul il-karriera tagħha ħadet sehem f’diversi festivals kemm f’Malta kif ukoll barra, fosthom f’Antalya, l-Irlanda u Praga.

Mument memorabbli jibqa’ l-parteċipazzjoni tagħha fil-Eurovision Song Contest 1991 bid-dwett Could It Be ma’ Paul Giordimaina. Barra minn hekk, ħadet sehem f’diversi musicals u dehret ukoll fis-sensiela Il-Prinċep tal-Warda Bajda u fil-film Imħabba Fuq il-Għolja.

Nawguralha aktar snin ta’ suċċess u kuntentizza. Awguri mill-qalb!

Ixxerja

Miktub Minn

Emil Calleja Bayliss

Iħobb il-lingwa Maltija u jsegwi b’mod attiv ix-xena mużikali lokali. Id-dinja tal-ispettaklu taffaxxinah u l-għaxqa tiegħu jara xows differenti. Biex jirrilassa Emil jieħu gost imur ħdejn il-baħar u fil-kampanja, hemm isib ftit kwiet ’il bogħod mill-ġenn.

Issa

“Minħabba L-Inċident Li Seħħ Nhar Is-Sibt Li Għadda, Fejn Waqa’ Ħajt Ta’ Dar Privata Fi Triq Luqa Briffa, Kellna Nibdlu…

Kyle Zarb Illum

Fuq il-paġna uffiċjali tagħhom il-Kunsill Lokali Żejtun qasmu avviż għall-pubbliku dwar bidla fit-traffiku. Ara aktar fil-post li tefgħu. “Minħabba l-inċident li seħħ nhar is-Sibt li għadda, fejn waqa’ ħajt ta’ dar privata fi Triq Luqa Briffa, kellna nibdlu t-traffiku billi ndawru Triq Santa Marija fid-direzzjoni ta’ Triq il-Bon Consigli, sabiex il-vetturi żgħar ikunu jistgħu joħorġu […]