Ixxerja

Ġiet imħabbra data ġdida għal wieħed mill-aktar kunċerti mistennija tas-sena! Fit-22 ta’ Mejju 2026 fid-21:00, Pjazza San Ġorġ se tinbidel f’palk spettakolari għal L-Aqwa 20 Tal-Maltin, serata mużikali li se tiċċelebra l-aktar kanzunetti favoriti mill-pubbliku.

Dan il-kunċert se jlaqqa’ fuq l-istess palk lista impressjonanti ta’ artisti Maltin, fosthom Sarah Bonnici, Daniel Cauchi, Mike Spiteri, Mary Rose Mallia, Brooke, MARA, Fabrizio Faniello, Georgina, Gillian Attard, Ludwig Galea, Mark Spiteri Lucas, Priscilla Psaila, Ivan Grech, Hermann Bonaci, Mary Spiteri, Ryan Hili, Olivia Lewis u Klinsmann.

L-ispettaklu se jkun akkumpanjat minn orkestra live taħt id-direzzjoni tal-Maestro Paul Abela, li żgur se jagħti dimensjoni ġdida lil dawn il-kanzunetti tant maħbuba. Biljetti diġà jinsabu għall-bejgħ online, u kollox jindika li dan se jkun avveniment li ma tridx titlef, lejl wieħed, fuq palk wieħed, bl-aqwa mużika Maltija magħżula minnkom stess.

Ixxerja

Miktub Minn

Emil Calleja Bayliss

Iħobb il-lingwa Maltija u jsegwi b’mod attiv ix-xena mużikali lokali. Id-dinja tal-ispettaklu taffaxxinah u l-għaxqa tiegħu jara xows differenti. Biex jirrilassa Emil jieħu gost imur ħdejn il-baħar u fil-kampanja, hemm isib ftit kwiet ’il bogħod mill-ġenn.

Spettaklu

Ġimagħtejn Oħra Se Jsir Il-Eurovision Song Contest Fi Vjenna – Intom Se Ssegwu?

Gwida.mt Ilbieraħ

Xhur ta’ stennija se jkunu qed jilħqu l-qofol tagħhom proprju ġimagħtejn oħra hekk kif fil-belt ta’ Vjenna se tkun qiegħda sseħħ is-70 edizzjoni tal-Eurovision Song Contest. Matul dik il-ġimgħa mistennija jkun hemm tlett serati ewlenin; it-Tlieta u l-Ħamis se jkunu qed iseħħu l-ewwel u t-tieni semi-finali rispettivament, filwaqt li mbagħad is-Sibt isseħħ is-serata finali fejn […]