Ixxerja

Għadha kif ġiet maħruġa aħbar sabiħa għal ħafna żwiemel sportivi f’Malta hekk kif inħolqu faċilitajiet ġodda biex dawn l-annimali jingħataw aktar kura u post sigur wara li jirtiraw mill-isport.

EquestriMalta għenet lil żewġ għaqdiet volontarji biex jinbnew spazji apposta għal żwiemel li jkollhom bżonn kura, mistrieħ u riabilitazzjoni wara l-karriera sportiva tagħhom. Il-ħidma qed issir flimkien ma’ RMJ Horse Rescue u Second Chance Horse Rescue, li jieħdu ħsieb żwiemel salvati u jgħinuhom isibu dar ġdida u aħjar.

Fil-faċilitajiet il-ġodda saru remissi biex jipproteġu liż-żwiemel mix-xemx u x-xita, paddocks fejn jistgħu jiċċaqalqu bil-kumdità kif ukoll raddiena li tintuża biex iż-żwiemel jagħmlu eżerċizzju waqt li jirkupraw. Dawn iż-żwiemel jibqgħu f’Malta għal xi żmien sakemm imbagħad jintbagħtu f’faċilitajiet akbar barra minn Malta, speċjalment fir-United Kingdom, fejn ikunu jistgħu jgħixu f’ambjent aktar adattat għalihom.

Din l-inizjattiva qed tagħti aktar tama u dinjità lil dawn iż-żwiemel, anke wara li jintemm iż-żmien tagħhom fl-isport.

Ixxerja

Miktub Minn

Eileen Cumbo Salerno

Eileen tħobb tikteb bil-Malti u tħaddan b’passjoni l-lingwa bħala edukattriċi. Għandha interess kbir fid-dinja tal-moda u l-mużika – żewġ oqsma li jgħinuha tesprimi min hi b’mod artistiku u spontanju. Il-meditazzjoni u l-qari jgħinuha tibqa’ tikber kemm fuq livell personali kif ukoll dak kreattiv.

Artikli Ricenti

Illum L-Attur Leġġendarju George Clooney Jiċċelebra Għeluq Sninu 

Eileen Cumbo Salerno Illum

Wieħed mill-aktar atturi popolari u rrispettati f’Hollywood, George Clooney, illum qed jiċċelebra għeluq l-64 sena tiegħu. Clooney twieled fis-6 ta’ Mejju tal-1961 ġewwa Kentucky, l-Istati Uniti u matul il-karriera tiegħu rnexxielu jibni isem b’saħħtu mhux biss bħala attur, iżda wkoll bħala direttur, produttur u attivist.Ħafna jafuh għal films popolari bħal Ocean’s Eleven, Ticket to Paradise, Gravity u The Descendants, fejn spiss […]