Ixxerja

L-inċident tan-nar li seħħ ilbieraħ fl-impjant ta’ Wasteserv Malta fil-Magħtab ġie kkontrollat b’suċċess mal-lejl, għalkemm il-ħidma fuq il-post baqgħet għaddejja  sabiex jiġi evitat kull riskju li n-nirien jerġgħu jixegħlu.

Dan ġie kkonfermat permezz ta’ aġġornament maħruġ mill-Protezzjoni Ċivili, fejn intqal li kienu qed isiru operazzjonijiet ta’ tkessiħ fiż-żona milquta. Il-ħaddiema tal-Protezzjoni Ċivili kienu preżenti fuq il-post sabiex jassiguraw li s-sit jibqa’ sigur u taħt monitoraġġ kontinwu.

L-awtoritajiet spjegaw ukoll li l-entitajiet kollha involuti qed ikomplu jaħdmu flimkien f’koordinazzjoni sħiħa sabiex is-sitwazzjoni tibqa’ stabbli u taħt kontroll.

In-nar kien qajjem tħassib fost diversi residenti lbieraħ, partikolarment minħabba d-duħħan qawwi li seta’ jidher minn diversi lokalitajiet madwar Malta. S’issa għadu mhux magħruf x’wassal għal dan l-inċident.

Ixxerja

Miktub Minn

Eileen Cumbo Salerno

Eileen tħobb tikteb bil-Malti u tħaddan b’passjoni l-lingwa bħala edukattriċi. Għandha interess kbir fid-dinja tal-moda u l-mużika – żewġ oqsma li jgħinuha tesprimi min hi b’mod artistiku u spontanju. Il-meditazzjoni u l-qari jgħinuha tibqa’ tikber kemm fuq livell personali kif ukoll dak kreattiv.

Issa

Malta Public Transport Tintroduċi Skrins Diġitali Ġodda B’Informazzjoni Dwar Tal-Linja f’Ħin Reali!

Eileen Cumbo Salerno Illum

Malta Public Transport ħabbret it-tnedija ta’ sistema ġdida ta’ sinjali diġitali moderni sabiex tkompli ttejjeb l-esperjenza tal-passiġġieri li jużaw is-servizz tal-karozzi tal-linja kuljum. Is-sistema l-ġdida ġiet installata f’ċentri ewlenin tat-trasport fosthom il-Belt Valletta, l-Ajruport Internazzjonali ta’ Malta, il-Marsa Park & Ride, ir-Rabat, l-Università ta’ Malta u l-Port tal-Imġarr. Dan il-proġett kien jinvolvi investiment ta’ €267,000 (appoġġjat […]