Ixxerja

Malta ppreżentat formalment dossier ġdid lill-UNESCO bl-isem “Il-Fortifikazzjonijiet Maltin tal-Kavallieri ta’ San Ġwann”, bil-għan li diversi siti storiċi madwar Malta u Għawdex jiġu inklużi bħala parti minn Proprjetà tal-Wirt Dinji estiża.

In-nomina tinkludi wħud mill-aktar fortifikazzjonijiet importanti fil-pajjiż, fosthom il-Belt Valletta, il-fortifikazzjonijiet tal-Port il-Kbir u ta’ Marsamxett, il-Linji tal-Kottonera u ta’ Santa Margerita, kif ukoll l-Imdina u ċ-Ċittadella ta’ Għawdex.

Id-dossier ġie ppreżentat mill-Ambaxxatur ta’ Malta għall-UNESCO Mons. Vella Gauci flimkien ma’ membri tad-delegazzjoni Maltija, u huwa sostnut minn diversi entitajiet nazzjonali marbuta mal-wirt kulturali u l-preservazzjoni storika.

Jekk in-nomina tirnexxi, dawn il-fortifikazzjonijiet jingħaqdu mal-Belt Valletta fil-Lista tal-Wirt Dinji tal-UNESCO, u b’hekk Malta tkompli ssaħħaħ il-preżenza tagħha fost is-siti ta’ importanza storika u kulturali fuq livell internazzjonali.

Il-proposta issa se tiġi evalwata mill-Kumitat tal-Wirt Dinji tal-UNESCO fil-ġimgħat u x-xhur li ġejjin.

Ixxerja

Miktub Minn

Eileen Cumbo Salerno

Eileen tħobb tikteb bil-Malti u tħaddan b’passjoni l-lingwa bħala edukattriċi. Għandha interess kbir fid-dinja tal-moda u l-mużika – żewġ oqsma li jgħinuha tesprimi min hi b’mod artistiku u spontanju. Il-meditazzjoni u l-qari jgħinuha tibqa’ tikber kemm fuq livell personali kif ukoll dak kreattiv.

Issa

Bint Uffiċjal Tal-Pulizija Tilbes Bħal Missierha Għal Jum Speċjali Fl-Iskola

Eileen Cumbo Salerno Illum

Il-paġna Malta Police Force xerrdet messaġġ tassew ħelu li se jġiegħlek tbissem.  Intqal li fl-Iskola Primarja tal-Għargħur ġiet organizzata attività speċjali għall-istudenti bl-isem “Dress as Your Parent Day”, fejn it-tfal kellhom jilbsu bħall-ġenituri tagħhom. Martina, bint l-uffiċjal tal-komunità PC Nathan Ciappara, għażlet li tilbes propju bħal missierha, uffiċjal tal-Pulizija. U jidher li għamlet dan b’ħafna kburija! […]