Ixxerja

Il-Bulgarija bħalissa qed tħejji sabiex għall-ewwel darba fl-istorja tkun hi li tospita l-Eurovision Song Contest. Dan wara li s-Sibt li għadda kienet il-kantanta Bulgara Dara li ħarġet rebbieħa bil-kanzunetta tagħha ‘Bangaranga’.

Ministru Bulgaru li tkellem mal-midja esprima s-sodisfazzjon tiegħu li pajjiżu se jingħata dan il-privileġġ. Hu esprima ċ-ċertezza tiegħu li l-ħidma li se twettaq il-Bulgarija matul is-sena li ġejja se tiżgura li f’Mejju tas-sena d-dieħla jittella’ spettaklu mill-isbaħ.

Hu tkellem ukoll dwar liema belt Bulgara tista’ tospita dan l-ispettaklu tant grandjuż. Semma li l-belt kapitali ta’ Sofia tista’ tkun għażla tajba minħabba l-infrastruttura addattata u l-konnessjonijiet internazzjonali li din għandha. Madankollu, ma eskludiex bliet oħrajn – Burgas, Plovdiv kif ukoll Varna.

Il-Ministru Bulgaru esprima wkoll is-sodisfazzjon tiegħu li din ir-rebħa se tkun qed tagħti iżjed prominenza lill-kultura Bulgara.

Ixxerja

Miktub Minn

Cristian Tonna

Jinteressa ruħu ferm f'dak kollu li qed iseħħ madwaru u lil hinn. Isegwi b'mod kontinwu x-xogħlijiet letterarji li jissawru bis-saħħa tal-ilsien Malti li huwa ferm għal qalbu. Iżomm ruħu aġġornat bl-avvanzi kollha li jseħħu fil-qasam tat-teknoloġija.

Spettaklu

‘Bangaranga’ – Il-Kanzunetta Rebbieħa Ta’ DARA Tikseb Suċċess Internazzjonali Hekk Kif Tidħol Mat-Top 50 Global Fuq…

Emil Calleja Bayliss Illum

Wara r-rebħa tagħha fil-Eurovision Song Contest, il-kantanta DARA kompliet tikseb suċċess internazzjonali hekk kif il-kanzunetta tagħha Bangaranga daħlet fil-lista prestiġjuża ta’ Spotify Top 50 Global. Il-kanzunetta rnexxielha tilħaq it-12-il post globalment, kisba impressjonanti li turi kemm il-hit tal-Eurovision qed tintlaqa’ tajjeb madwar id-dinja. Bangaranga mal-ewwel saret fenomenu viral fuq il-midja soċjali u fuq il-pjattaformi tal-istreaming, […]