Ixxerja

Is-Soċjetà Mużikali Duke of Connaught’s Own Band Club ta’ Birkirkara awgurat il-festa t-tajba lill-parruċċani fl-akwati tal-Knisja ta’ Santu Rokku fl-okkażjoni tal-festa ta’ Santa Rita, li qed tiġi ċċelebrata matul din il-ġimgħa.

F’messaġġ ippubblikat fuq il-midja soċjali, il-President, il-Kumitat u l-fergħat kollha tas-Soċjetà sellmu b’mod speċjali lid-Direttur Spiritwali tagħhom, il-Kanonku Kantur Dun Jesmond Grech, li jieħu ħsieb il-Knisja ta’ Santu Rokku.

Is-Soċjetà rringrazzjat ukoll lill-membri tal-każin li għal dawn l-aħħar 42 sena ilhom jieħdu ħsieb l-armar intern u estern ta’ din il-festa tradizzjonali u tant għal qalb il-Karkariżi.

Din is-sena, il-festa se tkun imżejna wkoll b’armar ġdid li qed jiġi żvelat għall-ewwel darba, frott it-talenti u l-ħidma tal-membri tas-Soċjetà fuq disinn, sfumar u pittura ta’ Sandro Galan.

Il-messaġġ intemm b’awguri sinċieri għall-festa lil dawk kollha li qed jiċċelebraw din l-okkażjoni reliġjuża.

Ixxerja

Miktub Minn

Emil Calleja Bayliss

Iħobb il-lingwa Maltija u jsegwi b’mod attiv ix-xena mużikali lokali. Id-dinja tal-ispettaklu taffaxxinah u l-għaxqa tiegħu jara xows differenti. Biex jirrilassa Emil jieħu gost imur ħdejn il-baħar u fil-kampanja, hemm isib ftit kwiet ’il bogħod mill-ġenn.

Issa

“Niċċelebra Mhux Biss L-Imħabba Ta’ Ħajti, Imma Wkoll L-Omm Mill-Isbaħ Li Sirt Għall-Għażiż Kris Tagħna.” – Kersten Borg

Emil Calleja Bayliss Illum

Kersten Borg qasam messaġġ mimli mħabba u emozzjoni fl-okkażjoni ta’ għeluq snin martu, fejn sellem mhux biss lis-sieħba ta’ ħajtu iżda wkoll lill-omm ta’ ibnu, Kris. Fuq il-midja soċjali, Kersten kiteb: “Illum niċċelebra mhux biss l-imħabba ta’ ħajti, imma wkoll l-omm mill-isbaħ li sirt għall-għażiż Kris tagħna.” Huwa qal ukoll li minn meta martu saret […]