Ixxerja

Illum gawdejna minn ġurnata tassew sabiħa u kwieta, b’temp ċar u xemxi li aktar beda jfakkarna fis-sajf. Sa minn dalgħodu kmieni, it-temp kien stabbli u pjaċevoli, filwaqt li l-arja bdiet tinħass aktar sħuna tul il-ġurnata.

It-temperaturi laħqu madwar is-27°C, filwaqt li matul il-lejl mistennija jinżlu għal madwar is-17°C. Ir-riħ baqa’ ħafif għal moderat mill-Punent, u aktar tard filgħaxija mistenni jdur ħafif mill-Lbiċ. Għaldaqstant illejla għandu jkun pjuttost kwiet ukoll. 

Anke l-baħar baqa’ relattivament kalm għal ħafna ħin mill-ġurnata, għalkemm bħal dejjem, wieħed għandu juża prudenza f’żoni magħrufa għal mewġ mill-Punent bħal Wied iż-Żurrieq, il-Lapsi, Ġnejna u Għajn Tuffieħa jekk ir-riħ isaħħaħ xi ftit.

Jidher li l-ġranet sbieħ u sħan issa qed jibdew jagħmlu lilhom infushom aktar preżenti hekk kif noqorbu lejn l-istaġun tas-sajf. 

Ixxerja

Miktub Minn

Eileen Cumbo Salerno

Eileen tħobb tikteb bil-Malti u tħaddan b’passjoni l-lingwa bħala edukattriċi. Għandha interess kbir fid-dinja tal-moda u l-mużika – żewġ oqsma li jgħinuha tesprimi min hi b’mod artistiku u spontanju. Il-meditazzjoni u l-qari jgħinuha tibqa’ tikber kemm fuq livell personali kif ukoll dak kreattiv.

Issa

“X’Tixtiequ Li Jsir Mill-Moskea Ta’ Raħal Ġdid?” – Il-Mistoqsija Li Qed Toħloq Dibattitu Sħiħ Bħalissa!

Eileen Cumbo Salerno Illum

Fuq il-midja soċjali qed idur stħarriġ li qed jiġbed l-attenzjoni ta’ bosta Maltin dwar il-futur tal-Moskea ta’ Raħal Ġdid. L-istħarriġ ipoġġi quddiem in-nies tliet għażliet differenti: li l-binja tibqa’ kif inhi, li jiżdiedu aktar moskej, jew inkella li jitneħħew dawk li diġà hemm. Din il-mistoqsija wasslet għal ħafna kummenti u opinjonijiet differenti onlajn, b’uħud jisħqu […]