Ixxerja

Tliet snin ilu, Kate għaddiet minn operazzjoni importanti f’saqajha taħt il-kura tat-tabib Matthew Dobbs. Illum, hi qed tħares lura lejn dak il-mument b’emozzjoni kbira hekk kif qasmet aġġornament pożittiv dwar il-progress tagħha.

Fuq il-midja soċjali, Kate spjegat kif wara ħafna taħriġ intensiv, terapija u anke operazzjonijiet oħra, issa qed jirnexxielha tagħmel “xi passi żgħar”  u dan huwa meqjus bħala pass importanti ħafna fil-vjaġġ tagħha.

Hi fissret ukoll kemm dan il-progress ma kienx ikun possibbli mingħajr l-appoġġ kontinwu tan-nies li baqgħu warajha tul dawn is-snin. Kate rringrazzjat lil dawk kollha li tawha kuraġġ, appoġġ emozzjonali u anke għajnuna finanzjarja permezz ta’ donazzjonijiet. “Kull pass li nieħu huwa tfakkira tal-imħabba u l-kuraġġ li nirċievi talli temmnu fija”, kitbet emozzjonata.

L-istorja tagħha tispira ħafna segwaċi li ta’ spiss jibagħtulha messaġġi ta’ kuraġġ u tama għal kull progress li qed tagħmel. Minkejja l-isfidi li għaddiet minnhom, Kate qed turi determinazzjoni kbira biex tkompli miexja ’l quddiem.

Ixxerja

Miktub Minn

Eileen Cumbo Salerno

Eileen tħobb tikteb bil-Malti u tħaddan b’passjoni l-lingwa bħala edukattriċi. Għandha interess kbir fid-dinja tal-moda u l-mużika – żewġ oqsma li jgħinuha tesprimi min hi b’mod artistiku u spontanju. Il-meditazzjoni u l-qari jgħinuha tibqa’ tikber kemm fuq livell personali kif ukoll dak kreattiv.

Issa

“X’Tixtiequ Li Jsir Mill-Moskea Ta’ Raħal Ġdid?” – Il-Mistoqsija Li Qed Toħloq Dibattitu Sħiħ Bħalissa!

Eileen Cumbo Salerno Illum

Fuq il-midja soċjali qed idur stħarriġ li qed jiġbed l-attenzjoni ta’ bosta Maltin dwar il-futur tal-Moskea ta’ Raħal Ġdid. L-istħarriġ ipoġġi quddiem in-nies tliet għażliet differenti: li l-binja tibqa’ kif inhi, li jiżdiedu aktar moskej, jew inkella li jitneħħew dawk li diġà hemm. Din il-mistoqsija wasslet għal ħafna kummenti u opinjonijiet differenti onlajn, b’uħud jisħqu […]