Il-Pjazza ta’ Buġibba ġiet uffiċjalment inawgurata wara trasformazzjoni estensiva li tat dehra kompletament ġdida lill-qalba ta’ din iż-żona turistika popolari.
Il-proġett sar permezz ta’ kollaborazzjoni bejn l-Awtorità Maltija għat-Turiżmu (MTA) u Infrastructure Malta, bil-għan li jinħoloq spazju aktar modern, miftuħ u aċċessibbli kemm għar-residenti kif ukoll għat-turisti.
Filwaqt li l-pjazza u l-promenade ngħataw dehra ġdida u moderna, sar ukoll xogħol estensiv fuq is-servizzi taħt l-art, b’aġġornament importanti għall-utilitajiet taż-żona.
L-awtoritajiet sostnew li dan il-proġett mhux biss se jkompli jsebbaħ iż-żona ta’ Buġibba, iżda se joħloq ukoll spazju dinamiku fejn il-komunità tista’ tiltaqa’, tirrilassa u tgawdi l-kosta Maltija.
“Dan l-ispazju miftuħ issa reġa’ jinsab uffiċjalment f’idejn il-komunità, ir-residenti u t-turisti biex igawduh proprju ħdejn il-baħar,” intqal waqt l-inawgurazzjoni.
Il-proġett intlaqa’ tajjeb minn ħafna li attendew għall-ftuħ uffiċjali, b’numru ta’ persuni jfaħħru d-dehra moderna u aktar spazjuża tal-pjazza l-ġdida.
Facebook / Malta Tourism Authority
