Il-preżentatriċi lokali Stephanie Camilleri qasmet messaġġ qasir iżda mimli emozzjoni hekk kif fakkret l-anniversarju mill-mewt ta’ missierha. Fuq il-midja soċjali, Stephanie kitbet: “33 sena mingħajrek Pa. Inħobbok u għandi bżonnok aktar minn qatt qabel,” kliem li juri kemm il-memorja ta’ missierha għadha ħajja f’qalbha anke wara 33 sena.
It-telf ta’ ġenitur huwa wieħed mill-aktar mumenti diffiċli li persuna tista’ tgħaddi minnhom, u għal ħafna, is-snin jgħaddu iżda n-nuqqas jibqa’ jinħass. Il-messaġġ ta’ Stephanie wassal sentiment li żgur laqat lil ħafna persuni li wkoll għaddew minn esperjenza simili. Stephanie tilfet lil missierha meta kienet għadha tfal.
Minkejja li għaddew aktar minn tliet deċennji minn meta tilfet lil missierha, il-kliem tagħha jfakkar kif l-imħabba lejn dawk li ma għadhomx magħna qatt ma tisparixxi u kif ċerti mumenti fil-ħajja jġegħluna nħossu n-nuqqas tagħhom aktar minn qatt qabel.
Nibagħtu ħsibijietna lil Stephanie u lill-familja tagħha f’dan iż-żmien ta’ tifkira.
Facebook / Stephanie Camilleri
