Il-personalità lokali, Clifford Galea, qasam messaġġ ta’ kuraġġ mas-segwaċi tiegħu hekk kif wera r-riżultati ta’ trasformazzjoni fiżika impressjonanti li kiseb matul l-aħħar sena. F’ritratt li juri d-differenza notevoli bejn kif kien sena ilu u kif jidher illum, Galea kiteb, “Ieħor ta’ kuraġġ għalikom. Sena ilu bdejt triq u llum inħossni aħjar. Agħmlu kuraġġ. -40 kilos. Il-fasting ħadem.”
Il-post ġibed l-attenzjoni ta’ bosta nies, b’ħafna jfaħħru d-determinazzjoni u l-impenn tiegħu biex itejjeb saħħtu u l-istil ta’ ħajtu. It-trasformazzjoni turi bidla drastika fid-dehra tiegħu, filwaqt li l-kliem tiegħu ffoka mhux biss fuq it-telf tal-piż, iżda wkoll fuq kif illum qed iħossu aħjar.
Galea spjega li r-riżultati nkisbu permezz tal-fasting, metodu ta’ ikel li jinvolvi perjodi ta’ sawm segwiti minn ħinijiet stabbiliti għall-ikel. Għalkemm dan l-approċċ sar popolari ma’ ħafna nies li qed ifittxu li jnaqqsu l-piż jew itejbu s-saħħa tagħhom, l-esperjenza ta’ kull persuna tista’ tkun differenti.
Facebook / Clifford Galea
