Il-preżentatriċi u personalità magħrufa Maltija Eileen Montesin qasmet messaġġ mimli emozzjoni waqt tieġ li għalih attendiet dan l-aħħar u qasmet parti żgħira minn filmat tagħha titkellem waqt dan it-tieġ.
F’mument li laqat lil ħafna minn dawk preżenti, Montesin indirizzat lill-koppja miżżewġa b’dan il-kliem, “Jekk kont kapaċi nferraħ, għallinqas persuna waħda bħalek f’ħajti, mela l-għan ta’ ħajti lħaqtu. L-iktar ħaġa sabiħa li tista’ tagħmel ma’ persuna, li tferraħha.”
Il-kliem tagħha wassal messaġġ sempliċi iżda profond dwar il-valur tal-ferħ, il-ħbiberija u l-imħabba li naqsmu ma’ dawk ta’ madwarna. Ħafna jqisu li s-suċċess fil-ħajja jitkejjel b’dak li niksbu, iżda Montesin enfasizzat kif il-veru sodisfazzjon jiġi minn kemm inkunu kapaċi nħallu impatt pożittiv fuq il-ħajja ta’ persuna oħra.
Dan il-messaġġ sentimentali kien wieħed mill-aktar mumenti memorabbli tal-ġurnata, hekk kif il-koppja bdiet kapitlu ġdid f’ħajjitha mdawra bl-imħabba tal-familja u l-ħbieb. Mhux ta’ b’xejn li l-kliem ta’ Eileen Montesin mess il-qlub ta’ ħafna, hekk kif ifakkarna li kultant l-isbaħ rigal li nistgħu nagħtu lil xi ħadd huwa sempliċement il-ferħ.
Facebook / Eileen Montesin
