Ixxerja

Fuq il-paġna Friends of The Victoria Lines Trail, tħabbar li ċediet parti mill-Victoria Lines, u sar appell għal tiswija urġenti.

Huma spjegaw, “Iċċedi biċċa mill-Victoria Lines f’Wied il-Faħam. Sfortunatament ikollna nirrapurtaw li ċediet biċċa mis-sezzjoni tal-Victoria Lines fil-Madliena, in-naħa ta’ Wied il-Faħam. Il-lokazzjoni hi 35.930986, 14.456512.”

Żiedu jgħidu, “Irrapurtajna dan lid-Dipartiment tar-Restorazzjoni u Preservazzjoni fil-Ministeru tal-Arti u Kultura. Nirrikonoxxu li dan id-dipartiment għandu ħafna xogħol u riżorsi limitati imma nenfasizzaw li dan huwa każ urġenti. Il-ħajt ta’ Wied il-Faħam huwa parti mill-isbaħ parti tal-Victoria Lines, u waħda mill-iktar li jżuruha nies.”

Nirringrazzjawhom talli għandhom tant għal qalbhom l-istorja u l-kultura Maltija, u nittamaw li ma jdumx ma jiġi rrestawrat.

Ixxerja

Miktub Minn

Gabriella Borg

Studenta tal-liġi, tħobb ferm il-lingwi, speċjalment il-lingwa Maltija. Il-kitba minn dejjem kienet passjoni tagħha u tħobb ukoll iddoqq il-pjanu fil-ħin liberu tagħha. Għandha post speċjali f'qalbha għall-annimali.

Issa

“Din Id-Dar Waslet Għandna Permezz Ta’ Donazzjoni Ġeneruża” – Caritas Malta

Gabriella Borg Illum

Il-Caritas Malta ħabbru li rċevew dar bħala donazzjoni, mingħand persuna b’qalb tajba. Huma se jkunu qed jużaw din id-dar għal skopijiet ta’ ġid, biex jgħinu lil diversi persuni għaddejjin minn żminijiet diffiċli. Huma kitbu, “Din id-dar waslet għandna permezz ta’ donazzjoni ġeneruża lill-Caritas Malta u issa se ssir il-proġett ‘Stepping Stone’. Dan se jgħaqqad flimkien […]