Ixxerja

L-Awtorità Maltija għall-Kompetizzjoni u għall-Affarijiet tal-Konsumaturi (MCCAA) riċentement ħarġet twissija importanti dwar ċerti baby carriers li qed jiġu miġbura mis-suq Ewropew minħabba riskji serji ta’ sigurtà. Dawn il-prodotti, li jintużaw kuljum minn ħafna ġenituri, instabu li jistgħu ma jipprovdux l-appoġġ meħtieġ jew għandhom istruzzjonijiet mhux ċari, u dan jista’ jwassal biex it-tarbija tiżloq jew taqa’ waqt l-użu.

L-MCCAA qed tħeġġeġ lill-konsumaturi biex jiċċekkjaw il-mudell u n-numru tal-batch tal-prodott tagħhom billi jaqraw id-dokument uffiċjali: https://mccaa.org.mt/wp-content/uploads/2026/06/PR-Notifications-Baby-Carriers.pdf . Din il-miżura hija parti minn sforz usa’ fil-livell tal-Unjoni Ewropea permezz tas-sistema Safety Gate, li tidentifika u tinforma malajr dwar prodotti mhux siguri fis-suq.

Skont l-aħħar rapporti tal-Safety Gate, ġew irrapportati diversi prodotti tat-tfal inkluż baby carriers, slings u oġġetti oħra ta’ kura tat-trabi li ma jissodisfawx l-istandards tas-sigurtà Ewropej. Il-konsumaturi huma mħeġġa jibqgħu attenti u jsegwu l-aġġornamenti regolari sabiex jipproteġu s-sigurtà tat-tfal tagħhom.

Ixxerja

Miktub Minn

Matthea Grech

Għandi passjoni kbira għal-lingwa Maltija. Jien studenta u interessata ferm f'dak kollu li qed jiġri madwarna, speċjalment fid-dinja tal-ispettaklu. Nikkunsidrani bħala persuna pożittiva, kunfidenti u lesta biex ngħin lil ħaddieħor. Dejjem bi tbissima fuq fommi u ċajta ma nafx neħodha! Fil-ħin liberu tiegħi inħobb ninżel ħdejn il-baħar għax hemm insib is-serħan tal-moħħ u l-ispirazzjoni biex nikteb il-poeżiji. Apparti minn hekk, inħobb naqra rumanzi romantiċi bil-Malti u jaffaxinawni ħafna l-lingwi fosthom l-Ispanjol u t-Tork.

Issa

Koppja Żagħżugħa Li Ltaqgħu Flimkien Fil-Post-Sekondarja Jiggradwaw Flimkien Bħala Tobba

Cristian Tonna Illum

Tristan u Maya ltaqgħu flimkien ftit snin ilu meta t-tnejn li huma kienu għaddejjin bl-istudji tagħhom fuq livell post-sekondarju. Sal-lum il-ġurnata, il-koppja żagħżugħa flimkien attendew fl-istess kors bl-ambizzjoni li jsiru tobba, u proprju ftit jiem ilu, din il-ħolma saret realtà. F’filmat emozzjonanti li huma tellgħu fuq il-midja soċjali u li laħaq eluf ta’ segwaċi, Tristan […]