Ixxerja

Matul din il-ġimgħa, fiż-Żejtun ġet iċċelebrata l-festa ta’ Santa Katarina.

Minkejja li l-briju u l-ferħ ma naqasx, f’qalb bosta Żwieten kien hemm il-mibkija Marisa Spiteri; omm ta’ 41 sena li fis-snin ta’ qabel dejjem kellha rwol attiv fil-festa ta’ din il-lokalità.

Sfortunatament, madankollu, din is-sena Marisa ma setgħetx tkun preżenti hekk kif ftit ġimgħat qabel tilfet il-ġlieda tagħha kontra l-kanċer.

F’dan l-isfond, il-voluntiera tal-Banda Żejtun Għaqda Santa Katarina fakkru l-memorja tagħha billi ddedikawlha il-proġett il-ġdid li huma kixfu matul din il-festa. Fil-fatt, fuq imrewħa ġdida li introduċew wara xhur twal ta’ ħidma, kitbu l-kliem ‘għalik, Marisa’.

B’reazzjoni, bosta Żwieten stqarru fuq il-midja soċjali li matul il-briju u ċ-ċelebrazzjonijiet tal-festa ta’ din is-sena, żammew dejjem lil Marisa f’qalbhom.

Strieħ fis-sliem, Marisa.

Ixxerja

Miktub Minn

Cristian Tonna

Jinteressa ruħu ferm f'dak kollu li qed iseħħ madwaru u lil hinn. Isegwi b'mod kontinwu x-xogħlijiet letterarji li jissawru bis-saħħa tal-ilsien Malti li huwa ferm għal qalbu. Iżomm ruħu aġġornat bl-avvanzi kollha li jseħħu fil-qasam tat-teknoloġija.

Issa

Koppja Żagħżugħa Li Ltaqgħu Flimkien Fil-Post-Sekondarja Jiggradwaw Flimkien Bħala Tobba

Cristian Tonna Illum

Tristan u Maya ltaqgħu flimkien ftit snin ilu meta t-tnejn li huma kienu għaddejjin bl-istudji tagħhom fuq livell post-sekondarju. Sal-lum il-ġurnata, il-koppja żagħżugħa flimkien attendew fl-istess kors bl-ambizzjoni li jsiru tobba, u proprju ftit jiem ilu, din il-ħolma saret realtà. F’filmat emozzjonanti li huma tellgħu fuq il-midja soċjali u li laħaq eluf ta’ segwaċi, Tristan […]