Il-ġurnata tal-lum kienet waħda sħuna, bit-temperatura massima li laħqet l-34°C, filwaqt li l-livell tal-umdità bħalissa jinsab madwar 35%.
L-indiċi UV illum kien ta’ 10, għalhekk il-pubbliku qed jiġi mħeġġeġ jieħu l-prekawzjonijiet meħtieġa, speċjalment matul il-ħinijiet meta x-xemx tkun l-aktar qawwija. Intant, it-temperatura tal-baħar tinsab fuq is-27°C.
Sadanittant, ingħata wkoll appell lis-sidien tal-annimali domestiċi biex joqogħdu attenti waqt il-mewġa ta’ sħana. Skont il-pariri tal-veterinarji, mhux rakkomandat li jingħata ġelat lill-klieb, minkejja li l-kesħa tista’ tidher bħala mod kif jiffriskaw.
Minflok, huwa importanti li l-annimali jkollhom dejjem aċċess għal ilma frisk u li dan jinbidel ta’ spiss matul il-ġurnata sabiex iħossuhom aħjar u protetti mis-sħana qawwija.
Fb/ Aġġornament tat-temp
