Ixxerja

Illum tagħlaq 48 sena l-kantanta Għawdxija Miriam Christine Borg, waħda mill-aktar vuċijiet magħrufa fix-xena mużikali Maltija.

Miriam twieldet fit-30 ta’ Ġunju tal-1978 f’Santo Antônio do Descoberto, qrib Brasília fil-Brażil, iżda trabbiet f’Għawdex, fejn bdiet il-vjaġġ tagħha fid-dinja tal-mużika minn età żgħira permezz ta’ diversi konkorsi tal-kant.

Miriam Christine hija magħrufa l-aktar għar-rappreżentazzjoni tagħha ta’ Malta fil-Eurovision Song Contest tal-1996 bil-kanzunetta In a Woman's Heart, li baqgħet waħda mill-aktar kanzunetti mfakkra dak iż-żmien. F’dik is-sena, il-kanzunetta Maltija kisbet l-għaxar post b’68 punt fil-finali li saret f’Oslo, fin-Norveġja, wara li għal parti mill-votazzjoni kienet saħansitra fost l-ewwel ħames pajjiżi.

Matul is-snin, hija kompliet tagħti kontribut importanti lill-mużika lokali permezz tal-kanzunetti u l-wirjiet tagħha, filwaqt li kisbet l-imħabba u r-rispett ta’ ħafna Maltin u Għawdxin.

F’dan il-jum speċjali, nawguraw lil Miriam Christine l-isbaħ xewqat, mimlija mħabba, ferħ, saħħa u ħafna mużika. 

Ixxerja

Miktub Minn

Eileen Cumbo Salerno

Eileen tħobb tikteb bil-Malti u tħaddan b’passjoni l-lingwa bħala edukattriċi. Għandha interess kbir fid-dinja tal-moda u l-mużika – żewġ oqsma li jgħinuha tesprimi min hi b’mod artistiku u spontanju. Il-meditazzjoni u l-qari jgħinuha tibqa’ tikber kemm fuq livell personali kif ukoll dak kreattiv.

Issa

Iktar Ritratti U Memorji – Faith F’Kompetizzjoni Tal-Moda Li Ċċelebrat Persuni Ta’ Kull Abbiltà 

Eileen Cumbo Salerno Illum

Il-paġna Up & Up with Faith ftit tal-jiem ilu qasmet mument mill-isbaħ hekk kif Faith kellha l-opportunità tieħu sehem f’wirja tal-moda organizzata minn Gaffiero Productions, li laqqgħet flimkien persuni ta’ kull abbiltà.Fil-messaġġ tagħhom, spjegaw kif Faith kienet eċitata ferm għal din l-esperjenza, ħadet gost immens u tat l-aħjar tagħha fuq ir-runway. Ommha, min-naħa tagħha, stqarret li ma […]