Ixxerja

Is-Servizz Pubbliku awgura lill-Professur Frank Bezzina wara li nħatar bħala t-82 Rettur tal-Università ta’ Malta.

Il-kariga ta’ Frank Bezzina tibda mill-1 ta’ Lulju. Huwa se jkun qed jieħu post il-Professur Alfred Vella, li mexxa l-Università għal dawn l-aħħar għaxar snin.

F’messaġġ qasir fuq il-midja soċjali, is-Servizz Pubbliku sellem din il-ħatra importanti u awguralu kull suċċess fil-ħidma tiegħu fit-tmexxija tal-Università ta’ Malta.

Il-ħatra tal-Professur Bezzina timmarka kapitlu ġdid għal din l-istituzzjoni edukattiva ewlenija fil-pajjiż, hekk kif se jkun qed jieħu f'idejh ir-responsabbiltajiet marbuta ma’ din il-kariga prestiġjuża.

Fil-viżjoni tiegħu għall-futur tal-Università, il-Professur Bezzina saħaq fuq l-importanza li l-istudenti jibbenefikaw minn tagħlim u riċerka ta’ livell għoli, filwaqt li tissaħħaħ il-ħidma mal-komunità.

Ixxerja

Miktub Minn

Eileen Cumbo Salerno

Eileen tħobb tikteb bil-Malti u tħaddan b’passjoni l-lingwa bħala edukattriċi. Għandha interess kbir fid-dinja tal-moda u l-mużika – żewġ oqsma li jgħinuha tesprimi min hi b’mod artistiku u spontanju. Il-meditazzjoni u l-qari jgħinuha tibqa’ tikber kemm fuq livell personali kif ukoll dak kreattiv.

Issa

F’Dan It-Temp Sħun, Ilma Frisk Iva, Ġelat Le – Appell Għas-Sidien Tal-Klieb 

Eileen Cumbo Salerno Illum

Il-ġurnata tal-lum kienet waħda sħuna, bit-temperatura massima li laħqet l-34°C, filwaqt li l-livell tal-umdità bħalissa jinsab madwar 35%.L-indiċi UV illum kien ta’ 10, għalhekk il-pubbliku qed jiġi mħeġġeġ jieħu l-prekawzjonijiet meħtieġa, speċjalment matul il-ħinijiet meta x-xemx tkun l-aktar qawwija. Intant, it-temperatura tal-baħar tinsab fuq is-27°C. Sadanittant, ingħata wkoll appell lis-sidien tal-annimali domestiċi biex joqogħdu attenti […]