Ixxerja

Joe S. Grech, wieħed mill-membri fundaturi u kitarrist tal-grupp popolari Malti New Cuorey, qed jiċċelebra mument tassew speċjali fil-ħajja personali tiegħu hekk kif flimkien ma’ martu Alice għalqu 52 sena miżżewġin.

Fl-okkażjoni ta’ dan l-anniversarju, Joe qasam ritratt sabiħ tiegħu u ta’ Alice waqt ċelebrazzjoni mal-baħar, akkumpanjat minn messaġġ mimli mħabba u apprezzament lejn il-mara li ilha taqsam ħajjitha miegħu għal aktar minn ħames deċennji.

"L-awguri għat-52 anniversarju taż-żwieġ, lill-għażiża marti Alice, sabiħa u mimlija mħabba. Kull jum huwa jum speċjali għalina t-tnejn. Prosit lilna," kiteb Joe.

Il-koppja tidher ferħana u eleganti fir-ritratt, xhieda tar-rabta b’saħħitha li baqgħet tgħaqqadhom tul dawn is-snin kollha.

Joe S. Grech huwa magħruf sew fix-xena mużikali Maltija bħala wieħed mill-fundaturi tal-band New Cuorey, li kisbet popolarità kbira fis-snin sebgħin u tmenin permezz ta’ numru ta’ kanzunetti li baqgħu mfakkra fost il-pubbliku Malti. Matul is-snin, huwa kompla jkun assoċjat mal-mużika u mal-kontribut li ta lill-industrija lokali.

Minn naħa ta’ Gwida.mt, nawguraw lil Joe u lil Alice aktar snin ta’ mħabba, saħħa u hena flimkien.

Ixxerja

Miktub Minn

Emil Calleja Bayliss

Iħobb il-lingwa Maltija u jsegwi b’mod attiv ix-xena mużikali lokali. Id-dinja tal-ispettaklu taffaxxinah u l-għaxqa tiegħu jara xows differenti. Biex jirrilassa Emil jieħu gost imur ħdejn il-baħar u fil-kampanja, hemm isib ftit kwiet ’il bogħod mill-ġenn.

Gossip

“Int Il-Qalb Tad-Dar Tagħna” – Aaron Fenech Lil Martu F’Għeluq Sninha

Emil Calleja Bayliss Illum

Aaron Fenech feraħ pubblikament lil martu Sindel f’għeluq sninha b’messaġġ emozzjonanti, li fih esprima l-imħabba u l-apprezzament kbir li għandu lejha. Fuq il-midja soċjali, Aaron iddeskriva lil Sindel bħala l-qalba tal-familja tagħhom u qal kemm hu grat li għanduha f’ħajtu.“Il-familja tagħna hija tassew imbierka li għandha lilek. Int il-qalb tad-dar tagħna – l-imħabba, is-saħħa u […]